HE KUPU WHAKAMARAMA.

Kopara, Issue 5, 1 February 1914, Page 1

HE KUPU WHAKAMARAMA.

HE whakamarama atu tenei kite hunga kua tae mai nei a ratou reta ki nga kai-ta o Te Kopara ui mai mehemea mo nga korero whakate wairua anake Te Kopara kahore mo nga korero o te ao. Ae ko te tikanga tera o tenei o a tatou Pepa. Ko Te Pipi i haere rua tonu te ahua o ona korero nga korero whakawairua me nga korero ote ao. Ite korenga i manaakitia o tera o a tatou Pepa ka whakaaro te Pihopa me whakamutu; me whakamatau he Pepa hou ko nga korero me motuhake ko nga korero anake o te Hahi, ko nga korero whakatewairua ranei. Ehara i te mea ka kore rawa etahi korero o te ao engari kia mahara ko te nuinga o nga korero ko nga korero o te Hahi, ko nga korero karaipiture, ko nga korero whakatewairua. Kua korerotia nga kupu whakamarama ite nama tuatahi oTe Kopara mete nama whakamutunga oTe Pipi. Kaore noaiho he painga ote tangata kite ki mai kei te he i runga i te mea he mahinga nui rawa te mahinga o Te Pipi, otira kaore i manaakitia. He pepa tera i uru nga tu ahua korero katoa. No reira i te korenga e manaakitia o te tu pepa pera ka whakaaro nga tangata kei te utu i nga raruraru ote Pepa ara te Atirikona Hapata Wiremu mete Pihopa Awherere kia whakamutua, a kia timatatia tetahi Pepa motuhake ma te Hahi. Ma te penei pea ara ma te whakawhaiti mai kite Hahi ka manaakitia ai. Ko te kaupapa tenei ota tatou Pepa hou ara Te Kopara. Kati he kupu atu ano ki nga mea kua tae atu he Kopara ki a ratou, ara nga mea kaore ano i tuku oranga mai e hoa ma whakaaro mai ki ta koutou taonga. Whakaaro he mema koe no te Hahi, he aha kia ruarua o mahara kite tuku oranga mai mo to Pepa. Kei a koe te ora mete mate mo tenei Pepa. Ka kore koe e awhina mai ka mate, ka awhina mai koe katahi ka tupu he taonga. He tino ruarua nga mea kua tae mai a ratou kohi, he hunga kaore rawa te Etita i whakaaro e tera e mahara mai. Ko nga tangata tino whakakeke ko nga minita Maori haunga hoki a ratou

whakaminenga ma ratou hoki era e whakaohooho. E hoa ma kei te whakahaere uaua ta tatou Pepa. Kei te kimi awhina noa mona te kitea te aha. He aroha ke ki a koutou e whakahaerengia nei enei Pepa, e moumoutia te moni ; otira mehemea kaore e awhinatia mai e koutou.