TE RAU KARETI.

Kopara, Issue 1, 1 October 1913, Page 7

TE RAU KARETI.

NGA tangata kei te Kareti inaianei e kura ana ko enei e whai ake nei o ratou ingoa me o ratou ingoa Hapu Pihopatanga hoki ara:—

Ko nga mea o tenei hunga kua whakapangia ko Ereatara raua ko Patihana kite turanga Rikona, ko te Manihera, ko Rewi ko Te Waaka ki te Turanga Piriti. No te Ratapu te 21 o Hepetema nei ka whakapangia ratou e te Pihopa ki Manutuke, ko te whakapa tuatahi tenei ki roto o te Wharekarakia Hou. Anei ano nga korero o tana whakapanga no reira kaore e maha nga korero i konei. Ko Patihana Kokiri kua whakaritea mo te Pariha o Moteo, Heretaunga, ko Ereatara Eruini mo te Pariha o Karatia. Ko te Rev. Waaka no te Pariha o Taupo, ko Rewi no Ohinemutu, ko te Manihera no Whakatane. Kua tata tenei hunga te wehe atu i te Kareti inahoki he torutoru noa nga ra e tu mai nei ka haere ratou. Ahakoa e pouri ana te taha kikokiko mo ratou ka wehe nei i runga i te mea kua roa rawa te wa i noho ai ratou i konei kua hoahoatia, kua teinatia kua tuakanatia te ahua o nga tangata o te Kareti, otira e hari ana e koa ana te wairua i runga i te mea kua tutuki pai to ratou karangatanga i karangatia ai ratou ki konei, kua tutuki nga tumanakotanga katoa mo ratou. He hanga ahuareka te taenga mai ano o etahi o nga tangata tawhito o te Kareti ki waenganui i a matou, o Tame Katene, o Rewi, o te Manihera raua ko tona hoa wahine ko Tina, mete Waaka hoki. Ka putaputa nei etahi o matou ka noho iho he tangata hou katoa te nuinga. Ko Tame Katene raua ko Paora Te Muera ka hoki rano ki to raua na Pihopatanga whakapangia ai, ara ki Poneke ko Tame Katene kite turanga Piriti, ko Paora Te Muera kite Turanga rikona; me tetahi ano hoki o matou Kaumatua me Hori Raiti ka hoki rano ia ki Akarana whakapangia ai kite turanga Rikona. He putanga tino nui rawa tenei no nga tangata o te Kareti i te putanga kotahi. He tau tino ora tenei no nga tangata o te Kareti kaore rawa he mea mate. I konei me mihi atu matou ki nga hunga i mahara ki te awhina i nga taumahatanga ote Kareti ara ite taha kite tin an a—ki nga tangata o Pakowhai, ki ate Moana Tatae raua ko tona whaea, ki a te Rev. Pine Tamahori hoki o te Pariha o Hikurangi mo nga peeke taewa i tukua mai e ratou. E te iwi he tino manaaki nui tenei na koutou i a matou i nga iwi o te Motu e noho atu nei i te kainga nei, he tino awhina hoki i te Kareti. Kati nei i konei enei kupu. Ma te Runga rawa tatou katoa e manaaki e tiaki me o matou hoa hoki kua tata nei te wehe atu i a matou.

Ingoa. Hapu. PlHOPATANGA. Tamati Te Kanapu Tuhoe Waiapu Tureia Puha Ngatiporou Waiapu Ereatara Eruini Te Arawa Waiapu Patihana Kokiri Te Arawa Waiapu Paora Te Muera Te Arawa Poneke Hori Raid ... Ngapuhi Akarana Henare Paraone Ngapuhi Akarana Wana Waata Ngapuhi Akarana Makereweti Wharehuia Te Arawa Waiapu Arena Makareka ... N gatir aukawa Poneke Metera Aomarere ... Ngatiraukawa Poneke W aewae Ratapahi... Ngatiawa Waiapu

Te Hana Taua Hori Te Arawa Waiapu Wi Keepa ... ... .,. Te Arawa Waiapu Poihipi okoroa Ngatimaniapoto Akarana Rev. Tame Katene ... Ngapuhi Poneke Rev. Manihera Tumatahi... Te Arawa Waiapu Rev. Rewi Wikiriwhi Te Arawa Waiapu Rev. Wiremu Waaka Te Arawa Waiapu.