HE KUPU ATU ENEI KI NGA HOA TUHI MAI.
Tenei nga moni kua tae mai mo tenei tau a Ihaia Hutana 10s., a Hirini Okeoke 10s., a Hamuera Kahukoka 10s., a te Herewhitau 10s.— tenei hoki te 10s. a Hemi Miha o Te Kopi, Wairarapa. Me korero te Mina ki nga pakeha e mahi rakau ana i roto i tona awa; ekore ratou emohio, ekore hoki pea e kitea, tona panuitanga kite Waka Maori mehemea ka taia. Koia hoki me tona tera, mana ano e korero ki aua pakeha a kau e ki nei tera—me kawe ranei ia kite nupcpa pakeha. Tenei te reta whakahoki a Ihaia Hutana mo nga taonga a nga pakeha mo te hoko e taia atu nei. Na, kia rongo mai koe, keoi tonu ano te ahua o tenei hanga ote nupcpa. Ko ena hanga i taia atu na, he mea kia ruouio te tangata e hiahia ana ki tenei mea, ki tena mea—he mea kia mohiotia e ia te whare hei h'aeretanga mai mona. Ehara i a matou ena panuitanga, na nga pakeha ia nana nga taonga ; he mea utu na ratou i taia ai, tena tanga, tena tanga —he tikanga hoki ia no te hoko. Na koia hoki me nga pakeha e karanga nei he kai hoko ratou i te witi, i te kaanga, i nga kai maori atu, ehara i te mea he whakahihi no ratou ; engari, he mea kia mohio te tangata i te witi, i te kaanga. i te aha, kite whare e hiahia ana ki aua kai. Koi titiro he a Ihaia Hutana a muri ake nei ki aua panuitanga. Ko Matene Ruta e hiahia ana kite hoko tera. me anga ia ki tc pakeha nana nga tera. Me homai ranei ia i ona moni kite tangata haere mai ki Nepia. mana e hoko. E ki ana a Nopera kia taia ra ano e matou tona reta katahi ia ka utu ite nupepa. Na kua hoatu e matou he nupepa ki a ia i mua ra ano, kaore hoki tera i tahuri kite utu—heoi, he hoha anake matou, whakamutua ana te hoatu nupepa mana. Katahi nei hoki tera ka tahuri mai ka whakariterite ravva mai ite korero ki a matou ! Ekore matou e pai ki tenei ritenga. Mehemea kua utu kc atu ia he tika tona tuhi mai. Otira te tino tikanga i korc ai matou e pai kia taia taua reta, he mea koi waiho hei whakatupu mauahara—ekore hoki e tika kia waiho te nupepa hei ara tautohe. Ko taua reta kua ngaro—mana e pai mai, a Apiata, kia tuhia mai tetahi, hei reira matou ka ata rapu i te tikanga. Kei hea ra ano nga moni a Hori Kio Kio o Kairakau mo tenei tau? Nana iki kia hoatu he nupepa mana —na, me hohoro te whakarite kia tika ai tana tono. Ko Hoera Eautu hoki, ko Wiremu Paekohe, ko Wi te Eua Maunga, me homai anake ena i te moni mo tenei tau e haere nei. Ko Wiremu Patene hoki tetahi i tono nupepa mana; ki mai ana kia hoatu te nupepa ka uta ia—no te hoatutanga he kore anake. Ka kore e hohoro te puta mai ka whakamutua te haere o nga nupepa ki a ia. Ehara hoki tenei hanga i te mea rongo taima.
Permanent link to this item
https://paperspast.natlib.govt.nz/newspapers/WAKAM18640903.2.2
Bibliographic details
Waka Maori, Volume II, Issue 33, 3 September 1864, Page 1
Word Count
549HE KUPU ATU ENEI KI NGA HOA TUHI MAI. Waka Maori, Volume II, Issue 33, 3 September 1864, Page 1
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in