Untitled

Waka Maori, Volume I, Issue 17, 23 January 1864, Page 3

Tena pea kaore. UNKNOWN kia kite nga maori katoa o Heretaunga i te reta a te Teira ki a te Kawanatanga mo tona kainga mo Waitara; na konei ka taia e matou ki tenei nupepa—koia teuei:-

Waitara, Oketopa 21, 18G3. E NGA UNO UPOKO 0 NGA RUNANGA PAKEHA,— Tena koutou te mahi ana i nga raahi o te raruraru o tenei motu o Niu Tireni. E hoa ma, e kimi kau aua au i te take o Waitara i wetekia ai. He papaku pea no te wai, ina hold ka tangohia nga tangata tiaki o te waka; kahoie au i te mohio. Ko teaei, ka noho tonu to niatou kupu i raro i te mana o Kuini Wikitoria, tae uoa kite tuturutanga o ta matou whakaaetanga Id to matou wkenua ki Waitara ki a te Kuini. Ko te Kuini hei tami i nga waka, kci pakaru i te ra ; Ida takoto ora ai i tona takotoranga. Ko ta matou kupu tena, e te Runanga o nga Pakeha. E hoa ma. e nga tangata o te Runanga, ko ta matou i karanga ai, Ida whakawakia a Waitara. I mea mai a Kawana Paraone, me whakawa a Waitara. Pena tonu te kupu a te Pokiha, a te Pihopa, a Kawana Kerei bold, i tana taenga mai Id konei. A, kahore matou ikite i te whakawakanga; engari i whakahokia poupoureretia mai a Waitara kia matou. Kua kitea pea e te Kawana raua ko te Pere te lie o Te Teira, mete tika o Wiremu Kingi; koia matou i pai ai kia kitea hoki e te tokomaha. Koia i mea ai matou. me whakawa a Waitara : haunga te whakawa i roto i te rum a o tetahi tangata, o te Pere ranei. o wai ranei, etoru pea nga tangata ki roto. He korero titaha tena kia maua. Engari te whakawa nui, kia rongo ai te tokomaha. E hoa ma, e te Runanga nui o te Kuini, ma koutou e whakamana i a matou kupu nei, no te mea he tangata au no te Kuini, he tangata hoki koutou no te Kuini ano. Ko ta matou whakaaro ano tenei, kia whakawakia a Waitara. Otira, ehara hoki i a matou taua kupu kia whakawakia; na Tamehana ke taua kupu ; he whakaae kau ta matou. Ka tatari nei matou i taua takiwa kia tae mai a Kawana Kerei ki konei, kia whakawakia ano a Waitara, No te taengamaio Kawana Kerei ki konei, kahore i whakawakia ; a ka rokohina nei e te matenga o nga Pakeha ki Wairau ; na, ko te tukunga mai tena_ i Waitara ki a matou. Kaore matau i mohio kite take i tukua mai ai; kaore matou i tono atu kia tukua mai; a, e rapu nei ano matou kite take i tukua mai ai a Waitara. Otiia i rongo pu atu ano matou ki nga kupu a te Pere raua ko te Kawana, i mea, ko te take i mahue ai a Waitara, ekore e tika kia pana nga tangata kua noho ki runga kite cneone i runga i te rangimarie, ara, a Wiremu Kingi. Ka mea atu matou ki a te Kawana,—"E hoa, e te Kawana, hehoiho noku te hoiho, ko tetahi tangata i peke mai ki runga, ehara i a ia taua hoiho. Ka kite au i taku hoiho me tana tangata ano i runga, ka mau taku ringa kite paraire, ka mea atu au ki taua tangata, ' E hoa, e rere ki raro, tukua mai taku hoiho kia hokona.'" Na, ko taua kupu nei mo Waitara. Ko taua hoiho ko Waitara; ko Te Teira te tangata nona taua pihi; ko Wiremu Kingi, he pokanoa tana Id te noho i runga. Koia i kore ai e tika taua kupu a te Pere raua ko te Kawana. Ko tenei, e te Runanga o nga Pakeha, kaore o

matou whakaaro ke atu. Kotahi tonu to niatou whakaaro, ko Waitara kia riro atu i te Pakeha Ko o matou ingoa enei ka oti nei te tuhituhi • *Te Teira, Karena, *Paranihi, Tipene Wari'hi *Hemi, Hoera, *Tamati Raru, Hona, *Wi N<*a Waka, Matiaha, *Eewiri, Haimona, *Eruera Hori Taharoa, *Spiha, *Honiana, *Eopoama' Pmpi, *Hita, Eona, *Eopoama, Herewini, *Hori, Paruka, *Harawira, Mangere, *Bupuha, *To Wari, *Watene, Pirika, *Paranihi, Ihaia, *Pene Taiti, *Hone Hira, *Otimi, *Tipene, *Matiu, Wi Te Arei *Werahiko. Otene, Tamati, Hakaraia, *VVian, Heremaia, Erueti. Na ko matou tenei e piri nei ki a te Kuini ki te ture kotahi, ki to matou matua kotahi. Ahakoa whakawaia matou e te kai whakawai, ahakoa whakawehiwehia matou, ekore matou e wehi Ka manawanui matou ki to matou Kuini. Ka pena matou mete Tui i harihari nei ite kirikiri kohatu ki roto kiteipu wai, a kaputa ake te wai, ka mu, ka makona. Ekore matou e rite kite heihei; na te parera nga hua, na te heihei i awhi. Waihoki, ekore matou e pai ma the Kingi matou e awhi, eugari ma te Kuini matou e awhi. Waihoki, ekore matou e pai kite awhi i nga ritenga ate Kingi, pena mete heihei e awhi nei i n«a hua ate parera, ate kuihi, ate take. Kia kotahi ano ta matou e awhi ai, ko te Kuini anake. Heoi ano, ka mutu. E hoa ma, kua makatia e au te ingoa o nga tangata nona taua pihi whenua *. Engari ko Tipene, ko Te Otimi, ko Paranihi Tiwana, ko Pene, na o ratou wahine i taki [take ?] ai ratou ki taua whenua. Ko era atu, na to matou Eunanga. Na Te Teira Manuka. [Ko te retanei a te Teira he mea whakatakoto ki runga kite papa ite hui ote Eunanga nui o te Kawanatanga i Akarana ihanoa nei—he mea kia taia. Tirohia ana e te Koroneho i reira ai ano, katahi ka tuhia e ia te kapi nei, ka mau mai ki Nepia, ka homai ki a matou mo te ' Waka Maori". Ko nga reta hoki a Waikato, a te Wheoro hoki, i tera nupepa, na te Koroneho ano i mau mai i taua Eunanga.]