Te Ahua OTe Tangata Taonga„ Raua Ko Te Rawa-Kore.
Ki nga Hapu, ki nga reo, ki nga Huihuinga tangata, tena koutou i roto i te atawhai a te Ariki amine, tenei aku kupu ruarua hei titiro ma koutou he mea whakaaro ake kia tukua atu kia koutou, hei whakaobo ia koutou, kni whakaaro ai kite rakau nui kua homai kia tatau koia e whai ake nei i raro, He kupu whakamarama tenei naku mo enei tangata e rua titiro tatau kite nui onga mea i tenei tangata taonga te iti onga mea i te raw.a-kore ara te kino, ara, na te tika, o i.e tangata, ra-wa-kore i nui at" ai ana taonga ia te tangata whai taonga kite aroaro o te Atua, te rawakore e baere ana i runga i tona tapatahitanga, engari ia i te tangata he taonga nei ona, a he parori ke ano ona ar&, i a ia i tenei Ao i hari ia mo te nui o ana taonga mo te papai o ana kai, mete papai ona kakahu, i mua tetahi tangata taonga, he kakahu papura ona, he rirena, i kai ano i nga kai papai i nga ra katoa engari kia tupato ia, kaua e wbakawhirinaki ki ona rawa, konga rawa o te tangata taonga hei pa kaha mona, hei taiepa tiketike ano hoki ki tana whakaaro iho, ko tetahi ano i te tangata taonga kihai i ho atu etahi o ana taonga kite Atua, e mea ana te tangata taonga he Matua Aperabama nona, e Pa e Aperahama tonoa mai a Raharuhi: —" engari he tikanga ta nga Hurai kia karangati a Aperahama hei Matua mo ratau, kaati ko te tangata taonga i mate, a Raharuhi i mate ano, kaati ko Raharuhi i tae atu kite waahi pai, ara, ko te tikanga o tona Ingoa, ko te Atua toku kai awhina," na reira ia i ora ai i te aroaro o te-Atua, " moku hoki i awhinatia e te Atua o toku papa, i whakamamaetia ano hoki te tangata taonga, ara, kihai ia i aroha kia Raharuhi, i a ia e takoto ara i te kuafca o tona Whare, na te tangata i a ia nei nga oranga o tenei Ao, a ka kitea e matea ana tetahi mea e tona teina, na, ka tutakina iho e ia' tona ngakau. aroha kia ia, e mau pehea ana te aroha o te Atua i roto i a ia, kaati aku whakamarama mo tenei taha, ka wbakaatu au i tetahi kupu whakarite mo te ahua o tetahi tangata whiwhi i nga taonga maha, me tetahi, kotahi tona taonga he toki, ko te tangata naana te toki he tino pobara ia, katahi taua tangata pobara ka baere kite awa me tona toki ka kite i te rakau e tu ana i te taha o te awa, katahi ka tahuri kite tua, kaore i roa e tua ana ka rere te toki a te po- • hara ki roto kite Wai, heoi katahi taua pohara ka tangi no te mea ka mutu ano tona taonga, i a ia e tangi ana ka puta mai he Wairua i roto i te Wai, katahi ka patai, he aha tau e tangi kowai tau e rapu, katahi ia ka ki atu ko taku taonga kua taka ki roto i te Wai, katahi ka ki mai te Wairua kaati a tangi, ka ngaro te Waiirua ia puta mai mete
toki utu nui, ka ui mai kite pohara koia nei to taonga, ka ki atu ia kaore, ka ngaro ano te Wairua, ka puta mai ano me tetahi toki atu ano he mea utu nui ano, ka patai ano koia nei to taonga, ka ki atu ia kaore, ka ngaro ano te Wairua, ka puta ake mete taonga o te tangata pohara nei ka ui mai koia nei, ae, ka. riro mai ia ia nga taonga ate Wairua ra, ka hoki ia ki tonahoa, te kitenga mai ote tangata whiwhi kite taonga, ka aue mai e hoa no hea ou taonga, ka whakahokia mai e ia note awa, ka korerotia atu eia te take i whi >vhi ai ia ki aua taonga, katahi te tangata ra ka mau ki tetab.i ona toki ka haere ki taua awa, ka kite i taua rakau, katahi ka tahuri kite tua ite rakau ra, H aore e ere maunu o te toki katahi ka unuhia e tangata ra tona toki ka makaia ki roto kite awa katahi ka timata kite tangi, kaore i r-oa ka puta mai te Wairua ra, katahi ka ui mai kit 6 tangata ra he aha tau e tangi ko wai tau e rapu, katahi te tangata ra ka ki atu ko taku toki, ka mutu rawa tcku toki kua taka nei ki roto kite Wai, katahi ka ki mai te Wairua kaati a tangi ka ngaro te Wairua ra, kaore i roa ka puta ake mete toki nui te utu, katahi ka patai mai koia nei to toki, katahi ka karanga atu te tangata ra ae, katahi ka whakahokia mai e te Wairua ra, he mea mama mo te Kamera te tomo ma te kohao o te Ngira, he uaua rawa ia mo te tangata taonga te tomo kite Rangatiratanga o te Atua, no te mea kua teka koe kite Atua, no te mea he nui ou taonga he iti o tou hoa, ara, o Raharuhi kaati ko te wahi i noho ai raua kai te Y>che kotahi kai te wahi pai ara, ko Raharuhi, kotahi kai te wahi kino ko te tangata taonga, waihoki kua oti raua te wehe i tera Ao, ko Raharuhi kai te wahi i noho ai a Aperahama, ko te tangata taonga kai te wahi o te aue tanga. # Heoi ano Na to koutou pononga. H. T. W.
Permanent link to this item
https://paperspast.natlib.govt.nz/newspapers/PUKEH18981108.2.3
Bibliographic details
Puke ki Hikurangi, Issue 18, 8 November 1898, Page 3
Word Count
959Te Ahua O Te Tangata Taonga„ Raua Ko Te Rawa-Kore. Puke ki Hikurangi, Issue 18, 8 November 1898, Page 3
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in