Untitled

Maori Messenger : Te Karere Maori, Volume III, Issue 6, 18 July 1863, Page 1

Ai ake te korero i nga whenua tawhio noa, o Ingarangi, o Renemaka, ko te marenatanga o te tama a Kuini, te Piriniha o Wara, kite Pirinihe Arikihanara o Renemaka, i te 10 o nga ra o Maehe, 1863, i roto i te whare karakia o Hana Hori, i Winiha. Ko te whakakoakoa o te iwi, nui atu, roa atu. Kihai te moni mete i he mea whakahira era ki runga ki nga whakapaipai mo te Tane marena hou raua ko tana Tahu marena hou; a, nui noa atu iiga maiowha, mete whakamoemiti ote iti, ote rahi; —e haere ake ana te hari i nga ngakau o te mano tuauriuri. Ko nga Maori anake kua tae atu ki Ingarangi, e mohio ki te whakahaia, kite ataahua o nga ritenga i meatia ra, hei whakahonore mo te tama matamua o te Kuini, te

Piriniha o Wara, raua ko tana Tahu marutuna. Whakaatu ai nga nupepa o Ingarangi ki nga tikanga o tenei marenatanga, he huinga rangatira kua noho noa mai i te whare karakia o Hana Hori, tatari ai kite putanga atu o nga tumuaki, ara, i te Tane, i te Tahu, ka whano ka tuhonoa. Haere rawa atu te kanohi kite mano e noho ana, korakorako ana kite kanapanapa mai o te peara, o te taimona, o te koura, o te hiriwa, — whakarewa kau ana! Ko te Kuini i haere ngaro atu i tona whare i Winiha, kite whare karakia o Hana Hori. I pango nga kakahu o te Kuini, ko te tohu ia o tona pouarutanga; a, i roto i te panuitanga o nga karakia, tau tonu te taringa kite whakarongo i nga tikanga katoa o taua marenatanga, a, i heke nga roimata, titiro rawa atu e tangi ana a Kuini. I te taenga o te haere a te Piriniha kite tomokanga kite taha hauauru o te whare karakia o Hana Hori, e tu ana te tumuaki karanga i te haere, e tu ana hoki nga rangatira arataki i te haere ki nga nohoanga, a heoti ano te mea i rangona i reira ko te tangi o nga tetere, o nga taramu. Ko te Ahipihopa o Katapere, ko te Pihopa o Ranana, ko te Pihopa o Okihari, mete tini atu o nga Minita nunui, whakakakahu rawa ki o ratou kahu karakia, e tu ana i roto i te aata—te wahi tukunga hakarameta. Ka oti te whakarite te haere o te Piriniha, ka aratakina te Tane marena hou, me 011 a hoa, e te rangatira o tera tu mahi, kite taha o nga kai waiata; no te taenga ki reira, ka mutu te tangi o nga tetere, o nga taramu, ka timata te rangi vaiata e te Okena, e nga mea whakatangi ke atu. I arahina te Tane marena hou kite wahi

i whakaritea mona. i te taha o te aata. Tu tonu ia, i runga ite tatari mo te putanga mai o te Tahu, tu ana ia i runga i tona marutunatanga, i runga i tona manahau, i te rangatiratanga whakahira, he uri hoki na nunui ma. No te taenga atu kite Hou Pa, ka owha nui atu a Pirinihe Arikihanara ki a te Kuini, a no te taenga atu o nga tapui rangatira me nga rangatira tane o taua haere kite wahi i whakaritea mo ratou, ka timata te waiata tuatahi, ko te rangi o taua waiata na te Piriniha, Tahu a te Kuini, kua mate atu ra. Ko nga kupu enei:— I tenei ra kia reo, kia whakapai, Inoia, kia tukua iho ai Nga nui o te raugi, kia tau Ki 'rao ka oti nei te whakamau. Kia ngaro e te kapua "whakapo, Kaura te ra ka whiti nei, e to; A oti noa o raua w a katoa, Kia puta ko te hari, ko te koa. Tu tonu te katoa i te waiatatanga 0 tenei himene; a, e kiia ana, ko te Kuini i tangi nui i runga i tana ngakau mahara ki tona hoa kua mate atu ra. I te mutunga o te waiata, ka timata te karakia e te Ahipihopa o Katapere; a, muriiho o te whakapainga tuatahi, ka waiatatia te Waiata 67, u Tohungia matou nei e te Atua." Haere ake nga kai hapai rangi waiata kotahi rau e rima tekau. Nui atu te manahau o te karakia, mutu noa. Ite mutunga, ka haere nui atu te Piriniha mete Pirinihe o Wara i taua whare karakia, me nga ropu tangata i whakaritea kia haere tahi atu i a raua. Ko aua whanaunga Kingi, Kuini, 1 tomo kite whare nui ote Kuini, Id te whakapumau i te marenatanga ki te aroaro o nga tamahine, o nga tarna Kingi, Kuini, o nga Minita nunui o te karakia, o nga tino

ftangatira me nga Minita o te Karauna. I taua ra ano ka haHe te Piriniha mete Pirinihe o Wara kite kainga tapatai o te Kuini, ki Ohepene, i te Motu o Waiti.