KO NGA MAHI MAMINGA A MATIU HAPIKINI, ME NGA WHAKAARO POAUAU A NGA TUPUNA O INGARANI.

Maori Messenger : Te Karere Maori, Volume 4, Issue 11, 1 November 1845, Page 42

KO NGA MAHI MAMINGA A MATIU HAPIKINI, ME NGA WHAKAARO POAUAU A NGA TUPUNA O INGARANI.

I te Nuipepa o Maehe, mete Nuipepa o Aperira, i tera tau kua pahemo nei, i korerotia "nga mahi makutu a nga Tupuna o Ingarani." Hua noa matou, ekore e taro, ka nui haere te mohio o nga tangata o enei Motu, mete mohiotanga o nga tangata o Ingarani, i whakahorihoria ai te makutu e

ratou. Otira, e whakapono tonu ana etahi tangata maori kite makutu; ahakoa i iriiriia ratou kite tikanga ote Atua. Koia matou i whakaaro ai, kia korerotia tetahi atu wahi, o nga mahi kuare a nga Tupuna o Ingarani, (kahore ano i korerotia i era Nuipepa) kia hohoro ai nga tamariki o tenei whakapaparanga te wakarere i nga ritenga he o te Makutu. Kei ki nga tangata, he riri kino ta matou ki to ratou whakapono kite makutu; kahore; e mahara marie ana matou i te tini o. nga tau, i piri mai ai enei whakaaro kuare ki o matou tupuna: ahakoa i nui noa atu to ratou malii kite karakia, kihai ratou i kite wawe i te mana koretanga o te makutu. Na te mahi whakaako anake, i kitea ai te maminga ote makutu i Ingarani: waihoki, ma te mahi whakaako anake koutou, nga tangata maori, ka kite ai i te horihori o te makutu. I te tau 1555, i whakapono katoa nga tangata o Ingarani kite mananga ote makutu : nga rangatira, me nga tutua; nga tangata karakia, me nga tangata noho noa iho: i whakapono hoki nga Minita; hua noa ratou, e pono ana te makutu! I taua tau ano, ka kauwhau tetahi Minita, ki roto kite whare karakia o te Kuini, a Eiihapeti, ka mea; " kia rongo mai koe, E te Kuini, e tokomaha haere ana nga kai makutu o te whenua; he tini on tangata, e takoto mate ana i te makutu ; kua turi etahi; kua porangi noa iho etahi, kua whewheugi ke nga kikokiko o etahi: aue! kei makuturia hoki koe, ete Kuini!" He inati tona wehi kau noa iho, to tenei Minita! Otira, he whakapainga tenei mo tatou, mo nga tangata o tenei wa, kite Atua, ina hoki, kua whakakitea mai te tino maramatanga o te pono ki a tatou; kia mohiotia ai nga whakaaro he o namata. He tini noa iho nga aitua, me nga tohu i whakaponohia e nga tangata i aua raKa keke nga papa o te whare; he tohu makutu: ka rangona te tupanapana; he tohu mate: a, ka whakanuia enei mea, hei whakawehi i te tangata!

He tokomaha ke nga tangata, i kohurutia kinotia; i kiia hoki, he hunga makutu ratou: ko e tahi, i tahuna kite ahi; ko e tahi, i panga kite wai! He kohuru tenei ki a matou, ki nga tangata o naianei: he mahi tika pea ki a ratou i namata: kua takoto hoki te tikanga i reira, kia rapua, kia whakamatea te hunga makutu katoa. I mea nga tohunga, i to ratou poauau tanga, he maha ke nga tohu e rapua ai te hunga makutu. Ko Matiu Hapikini te ingoa o tetahi tangata, i tino tohe pu kite rapu i nga kai makutu. Na, ka anga taua tangata horihori, ka whakapae kau ki tetahi niruhi i tirohia noatia e ia, "he kai makutu tenei;" ka toia taua kuia kite kai whakawa; a, patua iho ! Aue, te maminga o tenei tano ata ! Tenei nga tikanga i mamingatia ai, i whakapaea ai aua riruhi e ia, i tukua kautia ai ratou kite mate. Ka kite a Matiu Hapikini, i te tahi niruhi ranei, koroheke ranei, ka mea atu ia; "Tena, whakahuatia mai te inoinga, 'E to matou Matua i te rangi, 1 &c." a, ki te mea, ka mahue, tetahi kupu o tenei inoinga; ka tahi ka kiia 5 he pono-he kai makutu tenei-whakamatea ! I mea hoki a Matiu Hapikini, e kore e tika te panuitanga o te inoinga o nga kai makutu, koia i tonoa atu ai ratou, kia inoi Ki tana ki hoki, e kore e ahei te hunga makutu, te tangi roimata : waihoki, ka whakawakia tetahi ruruhi, a, e kore e kitea nga roimata, e heke ana i nga kamo, ka kiia, he kai makutu! Tenei ano tetahi tikanga o te whakawa kino a Matiu Hapikiri. Ka herea te koromatua o te ringaringa matau, kite koromatua o te waewae maui; a, ka panga ki te wai: me he mea, ka rewa, ka kiia, he kai makutu; a ka toia ki uta tahu ai kite ahi: ka totohu, heofano, ka whakarerea atu kia mate! E! ka tae to hanga E Matiu! Tenei hoki tetahi, ka whakanohoia te j hunga, (i kiia kautia nei, he hunga makutu I

ratou), Id runga kite turu, i waenga nui o te whare; ka ripekatia te herenga o nga waewae; ka mutu, ka tiaki tonu a Matin Hapikini i a ratou, kei kai, kei moe: kia puta mai ai hoki nga atua maori, i akona ai ratou kite makutu! Kite mea tetahi, kua makuturia tona kai ranei, tona poaka ranei, ka tikuna, ka tunua oratia kite ahi, ite aroaro ote ruruhi, o te tangata ranei, i kiia nei, nana i makutu: ko te ritenga tenei (e ai ta te kai whakawa), e whaki ai taua hunga i te tikanga o a ratou mahi makutu! Roa noa iho te mahi a Matiu Hapikini, a te kai kohuru nei :-he tokomaha ke, nga tangata, me nga wahine.i whakamntM huhuakoretia e ia : otira, ko ia ano te tukunga iho o tana mahi, a, taka ana tenei tangata kino, ki roto kite rore i hanga ai eia m°o te hunga hara kore. Ka kite nga tangata ite tino maminga o te mahi whakawa o tenei Matiu Hapikini, i whakamatea kautia ai nga ruruhi e ia; ka man ratou ki a ia, ka hereherea tona ringaringa matau, ki tona waewae maui, ka maka atu kite awa, hei kai manga ika; a,mate tonu iho taua tangata kino, pera me ratou i whakamatea e ia. Na, ka rongo koutou, e nga tangata maori, H nga mahi kuare a o matou tupuna, i to ratou mahi whakapono i; to maKutu; waihokl, me tami tenei tikanga e koutou; kia penei koutou me matou, me nga. tangata o naianei, ekore nei e whakapono kite makutu :-aua rawa tenei ritenga horihori e purutia tonutia e koutou. Ka hua o matou tupuna, he tikanga to te makutu; otira, kua kite matou, nga tamariki, he' hanga noa iho: koia matou ka whakahe tonu i to te tangata maori mahi whakapono kite makutu.