Untitled

Maori Messenger : Te Karere Maori, Volume 4, Issue 7, 15 July 1845, Page 25

Na, he tini ke nga korerorero o enei ra; otira, ekore aua korero e pono; erangi, e rapua tonutia ana e matou nga kupu pono kia taia ki nga Nupepa; ekore hoki te korero teka e paingia e matou: e waiho ana ena mea he, mo nga ngutu o te tokomaha. I te Nupepa mo Hune, i korerotia te whatinga o te tutei a Kawiti i te hoia. I te tahi o Hurai, ka whakaminea katoatia nga hoia, me nga tangata o Te Waka ma, kite aroaro o te pa o Heke, i Ohaiawhai: ite ata o taua ra, ote tahi o Hurai, ka totoro haere mai etahi o nga tangata o te pa, kite pukepuke i nohoia e Te Waka ma; ka warea katoatia nga tangata o te taua, kite matakitaki i nga repo, e puhia atu ana kite pa; tahuri rawa ake, kua riro te kara oTe Waka te tango; a, kua nohoia mai taua pukepuke e te pa! riro kau ano te kara i tera, ka kokiritia e te hoia; e rua ano hurihanga, ka whati tera ki roto kite ngahere; mate iho i reira, kotahi pakeha, kotahi tangata maori. I te tu-a-ahiahitanga o taua ra, ka tino rere atu. nga hoia kite tau i te pa, otira kihai i taea; ko te pekerangi kau i pakaru i a ratou. He maha nga hoia i tu i te mata, i te puhanga a Heke ma; a, ko etahi i mate rawa; kahore matou i rongo ki nga tupa-

[ paku tangata maori, mate iho, tanu iho Ik te pa. I puta mai te rongo ki a matou ite tamoetanga, mete korohunutanga o etahi o nga hoia e te pa; otiia, kua puta mai ano nga kojfero whakahe i tenei mea whakamamae; a, no konei i mama ake ai o matou ngakau. Na, i te tekau o nga ra o Hurai, ka puhia ano te pa o Heke ki nga repo; po ana i te pubanga; noho mai tetahi, noho atu tetahi: ano, ka tae noano kite waenganuipotanga, ka whakaaro te pa, e ruru ana nga ihu o te taua, ara o Te Waka ma, ki raro kite take korari; ka maranga te pa, ka oti te whitiki, ka tahuri te aroaro, kihai pea i ata torangi te biku ki roto ki te ngaherehere, ka oho te taua; te taenga mai kite pa, E!—puare kau ana! kotahi rawa ano ruruhi i roto, he turi. Ka nohoia te pa e te taua; tukua atu ana te whati kia haere, kihai i arumia. Puranga ana Dga mahi ote pu; ote taonga murunga o Kororareka; o te riwai noa ; ki roto kite pa; me a ratou tupapaku, he rangatira, kihai i taea te tanu i nga hanga o te pcrangi; kei rokohina ratou. I ahu ra nei te haere ki hea, kei te whakangau kiwi pea i te ngahere tuauriuri; kei te pui tawhara ra nei, kia ora ai te' whakaara pa mo ratou ki Hikurangi: mei

oti ra nei, ka rokohanga e te mate; eta kau ana hold tenei, te manawa. £ meinga ana, kotahi waewae o Kawiti e haere nei ia, kua riro te rua i te repo. E mea ana hoki te whakaaro o te tokomaha, i nui whakaharahara te raruraru o te pa; koia i mahue ai a ratou tupapaku, kihai i tanumia:—koia i whakarerea ai a ratou kai; me nga pu; mete tini atu o nga taonga i muraa-haeretia e ratou. Ko to ratou upokotanga, ko Heke, Heke-haere, keihea ra nei—Kei tenei aora nei, kei te po ra nei ? Ns, kei mea nga t-icgata, he whainga nui tenei ki Ingarangi; kahore, ekore tenei mea e whakaaroa.—He Iwi whakaharahara a Ingarangi; he Iwi matangerengere: ka whakaputaina tona riri, tutu ana te puehu! mano tini Id te paopaonga: otira, ko tenei whawhaitanga ki a Heke, he whakaritenga kautanga tena; kahore ano tona pokohiwi kalia, i whakamatautauria noatia; ko te pito kau o tona moroiti i pa ki a Heke. Mei poto enei hoia i a Heke, raua ko Kawiti, ka tikina ano. E kore hoki tona whawhai e rite ki to te tangata maori, ka whakawarea katoatia ratou kite whawhai, kahore he kai ngaki i nga mara —tena ko te pakeha, he mano tini oneone kite whawhai; he mano tini oneone kite ngaki; a lie mano tini hoki ona pu rere puku; ona pu kapura; ona pa rere rangi; ona pu mamaha; onapu huri whenua; kiano te tangata maori i kite noa: otira, kihai a Ingarangi i htahia kia utaina mai aua mea ki Nutireni; no te mea, he whakaaro atawhai to Ingarangi ki nga tangata maori: kahore ona hiahia kite whawhai: mei hiahia ana, kotahi ano ringaringa, riro katoa tenei motu; ina hoki ona whainga ki tawahi, pera ia, he toa tetahi, he toa tetahi, a haere ana ano te papa i a Ingarangi, te Iwi whakawehi. Na, ko tona whakaaro tenei—Naku ano taku tamaiti a Nutireni! ko ahau ano kua pa kite whakaako—muri iho o taka akonga, ka noho tahi maua: no ka riri noano taku tamaiti, ka tutu ki au, ka pa taku whiu; tate matua hanga hoki e ata-

haere ana te whiu—a, kite mea, ka tohe ki te tutu, ka whiua ano kia tangi,—na ki te kahore e rongo kite tuarua o n°-a whiunga, a ekore e iro, ekore e tahuri mai kite awhi i tona matua atawhai, ko reira tukua roroatia e ahau aku whiu, kia tino aue i te mamaetanga. Na, e hari ana tenei, mo te mea, ko nga potiki kau enei e tutu mai nei—he tau kuwao; ko te pito "whakarerenga; tena, ko nga matamua, ko nga kaiaka, e awhi tonu ana. He tangata pokanoa a Heke—na raua ko Kawiti ta raua kino: ekore te mano ote tangata e aru i o raua tikanga he—e kore te mano atu, e whakatika kite patu pakeha: —na konei ka mea matou, ka tata pea te ngaronga ote tutu; inahoki, kua oma ratou kite ngaherehere.