THE MATUHI PRESS. Wenerei, noema te 29, 1905. MIHI KI AAITUA.

Matuhi, Volume III, Issue 114, 29 November 1905, Page 2

THE MATUHI PRESS. Wenerei, noema te 29, 1905. MIHI KI AAITUA.

KO ERUERATE KAHU HEMEMA.

[ki te etita o "te matuhi"] Tena koe, tukua atu taku mini mo taku rangatira mo Rangiterewai R. Hue, kua moe nei ia kite kopu ote whenua, ki ona»tipuna, kuia, tuakana, matua, ahakoa no nga ra mutunga o Hepetema nei ia i moe ai me whai muri atu taku mihi. E kui i hoki'atu koe kite iwi, kite whenua, a kua whaia e te he, e pai ana, haere i te ara i ngaro ai te tangata kite po, ahakoa ra kihei au i tae atu i te wa i he ai koe, kua tae ra to tuakana a Taonui R. Hue, me to korua whaea me Poihaere R. Hue, kua kite ia koutou ko matua, whaea, tuakana, a koi na ano au, me pewhea i te rua o tipuna i te Reureu poraka nana toku tinana i whakataimaha, kaati ka whai taima ahau te haere atu kia kite i o tuakana ka tae i enei ra tata, i te mea kua mama te kooti, ae.

• Aku tuakana. tuahine, tena koutou ko a tatou tamariki ka tae atu kia kite tena koutou mete mate o to tatou rangatira, ratou ra ko ana tipuna. He Waiata Tangi, Tera te poke ao ka riakina mai kei Rangitoto, kia ata whakataha te titiro te pae ki Aorere, kei reira hoki ra Onetohua e wlureamarama e, i pokaia rangitahitia to haere ki muri whenua e, kite ana hoki koe i Oihe i Whangaroarae, pehi tatatia to titiro te one i Ranginui, ki tu-mata-tohitia to haere te puke i Hauturu, ruoe mai e Rangi i te moenga kino i te makariri. Tena koutou ko matua, whaea. tuakana, Te VVhaiatua tena korua ko to taina a to whakamoenga ilio i totaina, kaati ake. Ae i runga i nga reta mai kia tae atu a Te Kahu ki waenganui i nga morehu, ae ka tae atu i enei ra tata, na te taumaha oku raruraru 1 kore ai e tere atu, ara, na te Kooti o Te Reureu. I te mea kua ahua mama ahau na ka tae atu maua ko Eruera Te Kahu, ki nga rohe o te Tai Hauauru, engari pea i te poto o te tai ma e kore ai e taea te hikoi atu era atu waahi, otira kei te pai kei te marama, i te mea kei te tae mai nga reta a nga rangatira o te Tai Hauauru e awhina mai nei koutou i to koutou whanaunga> no reira kei te pai, a kei te mara ma, kaore he panuitanga, kua oti te whakaatu, ara kite moemoea o te marama ka hori ake nei, ara, i kite ia Te Kahu' i runga i te maunga huka e tu ana, penei i Tongariro nei, ko aua kupu tenei;--"Hare-atu, Hau-kino, ka wera taitaia," Ara atu te roanga o nga korero a tona-wairna' no reira e te Tai Hauauru, kei re pai kei te rawa pooti mai

ano kua whakaaetia e te Mea Ngaro, a ka tae atu ki waenganui ia Maniapoto, era atu iwi, kia ora. Toku hiahia e 'Te Matuhi' ara e te Etita kia k >tahi ano putanga o tenei panui, ara, o enei panui katoa, tuarua kia ora i te atawhai a Te Atua. Heoi ano. R. Hue Te Huri. Te Koeuku Whare I Te Reureu, Marton. Noema 21 1905.