HE KORERO PURAKAU.

Matuhi, Volume III, Issue 111, 8 November 1905, Page 8

HE KORERO PURAKAU.

Ara He Tika Tonu.

I roa ai taku tuku i tenei panui, i waahi ke noa atu au e haere ana, i nga mahi e ora ai te tinana i tenei ao me te wairua.

E "Te Matuhi," he tuku atu i tetahi mea tau hou, i puta ki tenei takiwa, ara, kite takiwa o N'Porou nei, koia tenei, kite pai ano ia koe kia utaina atu ki runga i to tatou manu.

Tera tetahi mahi nui i tu kite takiwa o Waiapu, he Kooti Whenua, ara he mahi Kaunihera. Ko te tiati o tenei komiti ko Paratene Ngata, ko te kainga ituai ko Reporua. Tera ano te kainga i tu ai tetahi o aua komiti ko Te Kawakawa. Tera tetahi tangata no te komiti o Te Kawakawa, ka haere atu i tona kainga, ka moe ki Reporua, i te ahiahi tonu iho o taua ra, ka haere tetahi wahine ki tona whare, i tona urunga atu ki roto ka huri mai tona aroaro kite whai-toka ka kite atu ia i te tangata ra e haere atu ana tohu noa ia he tangata tinana e haere atu ra no te tapokoranga ki ro whare ka tika tonu ki runga i tona moenga, katahi ka aata marama te wahine ra ki

te titiro atu, he kehua ke ia; ka oma te wahine ka tae kite whare o te kooti, ara, o te komiti, ka tu te wahine nei i te pou o waenganui, ka anga atu tona aroaro kite tangata, a ka mea ia. E Era ko to wairua i kitea nei e au, i whai tonu i a au, a, runga ra ano koe i taku moenga, i na tonu e tu mai na i te whatitoka na, na kei te korero te wahine ra i roto i te whare, ka haere ano te wairua nei ki tetahi whare, nuku atu nga tangata i te 30, ka tupono te wairua nei ki tetahi tangata pai, ahua nui, roa hoki, pai hoki tona whakatipu. katahi ka mea te wairua nei, katahi ano te tinana pai hei nohqanga moku, no te mea he he ravva toku tinana he hiroki, ara, he tupuhi; i taua \va kei te kite te tangata nei i taua wairua e tu mai ana i waho, i tena takiwa ka hurihia nga maha'ra o tenei tangata, ka mutu a te tinana tangata. Mete titiro ano ona kanohi maori, ka tino kaha ko tona wairua kite whawhai ki tera wairua, kua kore te wairua ra e kaha kite tango i te tinana ra Uiona, katahi ka whakaaro te wairua nei, me haere au ma raro tomo ai, no tona taenia ki reira katahi ka kurnea e taua wairua te "tarewarewa" o taua tangata, ka aue te tangata nei i konei, ka titiro te wairua nei kite "tarewarewa" e kumea ra e ia, katahi ka '"haro" te wairua ra, na ka takitakina e te kehua nei te waiata koia tenei:— I kite ano au i te kainga te karoro. e piri ana i , to-ona taiaha e ei. E Tuhi, he tika tonu tenei korero, kei mea mai koe he korero rupahu, no te mea kei te mohio koe ki tenei mea kite kooti whenua, he. nui te tangata e hui ana ki tera mahi, kite kore hoki te tangata e tae ki taua mahi kite kooti, kaputa tena tangata ki waho o te whenua, no konei nui atu te tangata i

taua kainga e noho ana, koi whakato nga mai nga tangata matau, tnau ra e whakatonga mai. ana atu pea, ko tenei tangata nona tenei wairua i haere nei kite rapu tinana pai mona, ko Rawiri Waikare, tona kainga kei te pu tonu o Hikurangi Maanga, te wahine ra ko Ruihi Pokai no Reporua, hei hakui ano kite tangata nei, te tuatoru o enei tangata ko Wi Moana;kei % te ora katoa ratou inaianei, heoi ra. ETuhi me tfciku atu e koe tenei reta ki nga waahi katoa e rere ai koe, kia ora koe mete kotniti ote Matqhi;; H. T. Tohungia, Paetawa. Oketopa 30 19q5