KI TE ETITA O TE MATUHI.

Matuhi, Volume III, Issue 111, 8 November 1905, Page 7

KI TE ETITA O TE MATUHI.

Kia ora koutou ko tamariki, e mahi mai na i te' taonga o nga iwi, o nga motu e rua nei, me o raua motu ririki.

Tukua atu'taku whakamihi mo te panui a te "Ngakaupouri-ki-te-ivvi," o te Matuhi No. 110 wharangi 3. E hoa e, he nui te tangi o taku ngakau, mete koa o roto i a au, mo to panuitanga i a taua korero, kia whakarongo nga morehu o te "Rohe o Rongokako,', me nga iwi e noho mai ra i te Tai-Rawhiti. Ka tika to kupu e ki nei koe, ko Tamahau te kopani o nga tangata kua ngaro atu kite po, no tenei ra ka inahue te "Ohaki" e kiia nei e koe, ka waiho hei ki ma te tangata, kua mate a Tamahau kua mate hoki ana korero, kore rawa i titiro te kanohi o te tangata ki muri, mete ngakau, kaati e taku hoa e pai ana, waiho atu i kona haere ai i runga i taana whakaaro i kite ai, ko taua, kaati i te tuara pahore nei ia Wi Pere, i te mea kua horea te upoko ki roto i te whare e tu mai ra, kaua taua hei tawai hei pera me nga tangata o te Tai-Ra-whiti, puta noa mai ki konei, e kiia nei kua mate nga whenua o te Tai-Rawhi-ti ia Wi Pere, te titiro ai kite kupu o te waiata a te Kooti, koia tenei:—"Na te kapu o te ringa nana i whatoro; to

te tangata hemonga he moni e i," kaati i konei. E taku hoa, ko taku whakaaro i penei me*to kupu e ki nei, me korero he kanohi he kanohi, kaati kei te toe mai te ra e haere ai au ki nga marae o te kainga nei o Wairarapa, e hara i te mea kia tahuri mai, kaore he mihi ki nga marae o te hunga kua ngaro ki ti.po. Heoi ano, kia ora i roto i te Ariki, na.— Hori Te Huki, Taueru. Noema 3rd 1905.