KI TE ETITA O TE MATUHI.

Matuhi, Volume III, Issue 108, 18 October 1905, Page 3

KI TE ETITA O TE MATUHI.

Tena koe.—Tukua atu enei kupu e whai ake nei:—

Toku hiahia nui kia kotahi he mema, hei whakaingoa mo te Tai Hauauru, kia ahei ai te pooti i taua mema, kia rite ai te hiahia, kia tu he mema i te Tai Hauauru, ara, i te upoko o te motu nei. A, otira ko Kaihau te mema o te Tai Hauauru, engari i runga i te mea kua tino kitea, kua tino mohiotia.

Kaore he painga o Kaihau ki nga iwi ki nga whenua o te Tai Hauauru i

enei wa, kai te mahi tonu ia kite Paremata mo Waikato ake. No reira e nga Rangatira, me nga iwi, me nga hapu, o te Tai Hauauru, ka tiiio whakaarohia e nga ngakau e mahara ana kia kotahi te tangata hai hoa- pakanga mo Kaihau, ara i te ra o te pooti, no reira me pa atu e nei kupu ki nga tangata kua whakaingoa nei ia ratou hei mema: — Kia Te Kahu. „ Te Weraroa. „ Taipua. „ Te Heuheu. E hoa ma, e kore, e taea te pooti ia koutou tokowha, a, e kore hoki e rite to koutou hiahia, engari e oku hoa mahia i runga i te ngakau mahara nui, kia kotahi o koutou e tu kia taea ai te pakanga kia Kaihau. Ahakoa kua maha nga huinga o te Tai Hauauru:— 1. I Moawhango, ia Aperira, 1905, e kiia ana i roto i nga panui, ko Te Kahu hei tu kua puta nga panui kite Tai Hauauru katoa. 2. Ko te hui itu ki Ohau, i enei marama tata nei, ko Honoiti, ko Taipua, nga tangata i whakaingoatia. Na nga tangata o Ngati-Raukawa ake tenei hui. 3. Ko te hui i tu ki Porirua i te tangihanga ino Pirihana, heoi kaore i takoto pai i reira, notemea ko taku kupu, me tuku nga mema o NgatiRaukawa ki raro, me tuku atu kia Ngati-Apa, kia Whanganui, kia Tuwharetoa, kia Taranaki, kia Maniapoto, ma ena iwi e whakatu he mema ki a kotahi, notemea kai ena iwi nga pitopito whenua, kia tika ai te tu a te mema.

4. I muri tata iho o tenei, ka tu te hui ki Hokio, Horowhenua, ko Honoiti, ko Taipua, ko Hare Teimana, nga meai whakaingoatia e Ngati-Kaukawa,

me Ngati-Huia. Heoi kaore i oti, a ko taku kupu pera ano ine taku i wha-< kaputa ai i te hui i Porirua, me tuku nga mema o Ngati-Raukawa, a, heoi kaore i tali tenei korero. 5-. I mun tonu thaio tenei, katu he hui ki Putikiwharanui. Whanganui, ko te Kahu, ko te Heuheu, ko to Weraroa, nga mema i reira, ko taku kupu tenei i taua ra kia kotahi o ratou e tu, kia ahei ai te pooti i te mea e pai ana hoki kia tu tetathi o ratou.

6. Muri mai ka tu ano te korero mo nga mema i te huinga o nga iwi o te Tai Hauauru, kite tangihanga mo Rangiheuea i te Motuiti, ko nga mema i reira ko Pitiera, ko te Kahu, mete whakaingoa ia Hare Teimaria, me Honoiti, heoi i whai kupu auo maua ko te Aohau i reira kia tuku nga mema, kia kotahi hei tu, ko te mea e oti i nga iwi o te Tai Hauautu. Heoi kaore i oti nga korero i tena wa.

7. Ka tu te hui i muri iho ki Poroutawhao, heoi i whakahaerea ano nga mema i reira, a i tuku a Honoiti i a ia.

8. Heoi i te timatanga o tenei marama ka tu te hui ki roto o Whanganui, ko nga mema i tae ki reira ko te Kahu, ko Pitiera. Kaore a te Weraroa raua ko Te Heuheu i tae. Ko te kupu a Whanganui me tuku a Pitiera. Ki raro, no reira kei te kaha tonu te whakahaere a te Tai Hauauru mo tenei pakanga kia tu kia kotahi te mema. No reira ka marama katoa te Tai Hauauru kite tirotiro iho i tenei whakaatu. Heoi oho rere ana toko ngakau i taku kitenga iho i te panui a te Komiti Tupaka-ka, e ki nei ko te Heuheu he mema mo te Taihauamu.

. E pai ana e nga Rangatira Honore o te Komiti Tupaka-ka, haria mai o koutou iwi me o koutou hapu, kite

Tai Hauauru nei hei pooti i o tatou metna. No reira e ngaHonore Rangatirao te Koiniti Tupaka-ka, he nui taku whaka-taikiu mo koutou, no reira waiho noatu te koroua na a Wi Pere, te tamaiti na a Hone Heke, me Tame Parata, ma ratou e kuhu atu ia ratou, no reira haere katoa mai koutou kite Tai Hauauru pooti ai i o tatou metna, kia hinga atu ai hoki a Henare Kaihau, heoi tena, engari i rongo au ko te kupu tenei a te Wirihana Hunia, i roto i te Komiti Tupaka-ka, kauwaka e whakatuturutia e te Koiniti Tupakaka, he mema hei pootitanga ma te Tai Hauauru, notemea kai te whakahaere tonu te Tai Hauauru i nga tikanga mo nga metna. Heoi e nga iwi o te Tai- Hauauru kia ora tatou katoa mete Komiti Tu-paka-ka, hoki. R. Hue, Rangitahuahua Whare Runanga, Whangaehu. Oketopa 4th, 1905.