KI TE ETITA O TE MATUHI.

Matuhi, Volume III, Issue 106, 4 October 1905, Page 7

KI TE ETITA OTE MATUHI.

Tena koutou katoa, kia ora, ma te Atua koutou e tiaki. E manu, kia kaha te kakari i tenei tau, kia ora kce, heoi te mihi aroha. E manu, utaina atu toku hiahia ki runga i a koe, mau e hari atu ki nga niotu e rua nei, i toku hiahia kia tu ko Wi Pere he mema ma tatou kite Paremata o Niu Tireni, kua huri katoa nga iwi ki runga ia Wi Pere hei mema mo tatou mo te iwi maori, koia toku hiahia kia Wi Pere kia tu ia hei mema mo te whare. He tangata kaha ia ki te riri kia Pereiha Tuki, mo te pire I "Tikoko," kua hinga i a ia te pire [ "Tikoko" a Pereiha Tuki, heoi ena [ kupu. Kia Tiki Paaka o "Te Arawa," e hoa he kupu atu tenei naku ki a koe, me tuku mai to pooti' kia Wi Pere, kaua hei tohetohe, e hara tera whare i te mea mo tatou mo nga tamariki, waiho atu to taua koro hei mema kite whare, mo enei tau e haere mai nei. kaua etahi atu tangata e hiahia hei mema, waiho ko Wi Pere hei mema mo tatou kite whare. E hoa e Paratene Ngata, me aata titiro koe, hoatu to pooti kia Wi Pere hei mema mo, taua, kaua hei puku-riri koe mo enei .korero, kua oti te ki, kaua etahi atu mema e haere mai kite Wairoa nei tinihanga ai, waiho ko Wi Pere anake he mema. Heoi kia ora korua ma te Atua ko-

rua e tiaki, na to korua hoa i raro i te Ariki. Tuahine Whakahoro, Te Uhi Wairoa. Hepetema 27th 1905.