KI TE ETITA O TE MATUHI.

Matuhi, Volume II, Issue 102, 13 September 1905, Page 5

KI TE ETITA O TE MATUHI.

Tenei nga kupu hei tukunga atu mau kia rongo toku iwi, nga awhekaihe e noho nei i runga o Aotearoa mete Waipounamu, koia tenei oku mahara e noho nei au, e titiro nei, e ki ana tetahi kupu matauranga, kei te kawanatanga o te Hetana to tatau mate to te hunga nunui, e ki ana tetahi o aua kupu matauranga, kei te kawaijatanga to tatau ora, to te hunga iti heoi, e aku hoa awhekaihe, me aku hoa o te taha maori, ko ahau kei runga i enei kupu e rua me whakamarama ake au i toku ekenga ki runga i enei kupu e rua, ko to tatou urunga kite kupu mo te hunga nunui, no tatou te ahi kua ka wawe ki runga i enei motu i te mea ko tatou te heke tuatahi i uu mai ki runga ki enei motu, kaati taku whakamarama kei te mohio koutou ki ona whakamaramatanga, i tika ai tatou i mate ai tatou; heoi me whai-kupu au mo te taha kite hunga iti, ko to tatou kuaretanga ki nga whakahaere o

roto o enei ra. Ite mea e hara enei i nga ritenga i akona ki o tatou tipuna, i uu mai nei ratou ki tenei motu, ko te kaupapa hei whakamarama e marama ai tatou, kei roto tatou i te hunga-iti, koia tenei kua tohutohu tatou ki o tatou uri kia kaha te ako ki nga ritenga o te kura, kia whiwhi ai koutou ki nga matauranga o enei ra, hei oranga mo koutou i muri ia matou. Kua mutu

ta matou rau tau, na koutou tenei rau tau e tu inai nei, kaati enei kupu kei te marama koutou ki ona ritenga katoa, i penei ai te poto o aku whakainaratna mo nga kupu e rua nei, kei kapi ta tatou pepa, kite kore e tnarama i te tangata nga whakatnaratanga o enei take, me patai mai ki a au i tona kitenga i a au, heoi enei kupu. E aku hoa awhekaihe, tenei Kawanatanga e tu nei, o te Hetana ma; no te hungaiti, kei te tohutohu mete akiaki kite hunga-iti kia kaha kite kimi i te ora mo koutou me o koutou uri i rnuri ia koutou, haunga ia te hunga ora, kua ora ratou, ka rite kite kupu a te Karaiti i mea nei, " I haere mai ia kite kauhau kite hunga kuare kia whakapono," te rua o ana kupu kia, " Tukua mai nga tamariki nonohi kia kite i a ia notemea mo ratou te Rangatiratanga e heke mai nei," heoi ko taku kupu hei mutunga ake mo aku kupu, i te mea kua oti e au te whakamarama, no te hunga iti tenei Kawanatanga e tu nei a te Raiti Honore Hetana, me ona Honore Minita, me pooti tatau nga awhekaihe kite mema pakeha, e Piri Pono ana aana mahi ki tenei Kawanatanga, kaua hei pooti kite tangata e tu ana hei Apitihana ki tenei Kawanatanga, heoi e aku hoa kei te whakahaere ahau me aku hoa awekaihe i te pooti o tetahi pakeha ko Honepi te ingoa kua tono ahau kia tu a Honepi kite whakamarama i ana maharaki te iwi awhekaihe, me tae hoki nga morehu o te iwi maori kite whakarongo ki ana kupu, a, ma tatau tahi e kite te tika mete he, a, ma tatau tahi e whakaoti te kupu mo matou mo nga awhekaihe kia pooti ranei kia kore ranei, heoi enei, ko te wahi hei whakapuakitanga ma Honepi i ana kupu kite iwi maori, ko Kereitaone, ko te ra hei huinga, maku e whakamarama e

mohio ai koutou. Heoi e nga awekaihe tane, wahine, me eke koutou ki runga i te Rouru Pooti Mema Pakeha, me eke i roto i enei rakei nga poutapetanga pukapuka Rouru. Heoi, kia ora koutou i roto o tatau mate e hingahinga mai nei. Na to koutou matua. Meiha H. P. Tunuiarangi, Turanganui. Hepetenia 4, 1905.