THE MATUHI PRESS. Wenerei, Hepetema te 13, 1905. ETAHI TIKANGA PAIMO TE MATE TAEWA.

Matuhi, Volume II, Issue 102, 13 September 1905, Page 2

THE MATUHI PRESS. Wenerei, Hepetema te 13, 1905. ETAHI TIKANGA PAIMO TE MATE TAEWA.

Mo nga Purapura Taewa.—Mehemea ka taea, me tuku nga purapura ki roto kite rongoa i raro iho nei, e kiia nei te ingoa he (Bordeaux mixture) I mua mai i te whakatokanga i nga purapura, (mehemea ra kaore i peratia i te hauhakenga), me penei me tenei i raro iho nei te mahinga i taua ro-

ngoa.— Kia 6 nga pauna purutone (bluestone). Kia 4 nga pauna raima tahu hou (quicklime). Kia 5 nga pauna houra horoi (washingsoda ranei). Kia 40 nga karani wai. He kaaho te mea pai hei whakaranunga mo te rongoa nei, me kohi nga purapura ki roto ki tetahi kete,he mea hanga kite waea, katahi ka tuku i nga purapura ki roto kite rongoa i roto i te kaaho, kia kaua e roa atu i te rima menete e ngaro ana i te rongoa, ka tango akei ngapurapura, katahi ka hora haere kia maroke. Otiia, he rite tonu te hanga i te rongoa nei mete hanganga o te rongoa mo te mahi mapu. Te Mahi Mapu ina ka tupu te Taewa.—He nui te mate i pa ki nga taewa i Niu Tireni nei, a koia nei te rongoa e kiia nei he Bordeaux mixture, hei patu i taua mate, ara:— Kia 4 nga pauna purutone (bluestone). Kia 4 nga pauna raima tahu hou (quicklime). Kia 5 nga pauna houra horoi (washingsoda ranei). Kia 40 nga karani wai.

Tukua nga purutone ki roto kite kaaho, tetahi mea hanga kite papa ranei, kaua rawa kite mea haeana, ringihia ki runga kia 5 nga karani wai, ka waiho ai kia rewa katoa nga purutone, ko te mea pai me kohi nga purutone ki roto ki tetahi peeke he raea tatahi te raranga, ka whakairi ai ki tetahi rakau i whakahipaetia ki runga ki te kaaho kia taiitau ai nga purutone ki roto i te wai; mehemea e hiahiatia ana kia hohoro te rewa he pai noa atu te whakarewa kite waiwera. Ko te raima me tuku ki roto i te taapu, pakete ranei, ka hoatu he wai kia iti, engari kia maku katoa nga raima kia hu ai nga raima, kia rewa katoa nga purutone hei reira ka hoatu te wai purutone ki roto kite kaaho, me korori raua kia tino rami rawa, katahi ka hoatu te toenga o te 40 karani wai ki roto, waiho ai kia tu ana kia tatu ki

raro nga para o te raima. Ko te mea tika hei ringihanga i te rongoa nei ki runga ki nga taewa, he papu mapu (spray pump) whai cyclone Bordeaux nozzle ranei (-ara he mea whakapiko nga puta rerenga mai o te rongoa, kia taea ai a raro o nga rau); me timata te mapu i te mea ka 6 nga inihi te roroa o nga tupu o te taewa tae atu kite 9 nga inihi, kia 10 nga ra i muri mai me mapu ano kia toru nga mapunga. Me tino kaha te mapu i raro i nga rau, tatemea e hua mai ana te mate i reira. Kua kitea e pangia ana nga taewa e te mate, me mapu ano. A te rua mete toru o nga mapunga mete mapunga i nga taewa kua nunui nga tupu, a kua ahua maro hoki nga rau me hanga te rongoa nei kia ahua kaha ake—ara kia 6 nga pauna purutone (bluestone), kia 4 nga pauna r raima tahu hou (quicklime), kia 5 aga pauna houra horoi (washing soda ranei).

Mehernea ka ua i roto i nga haora e 3 e 4 ranei i muri i te mapunga, i te mea kahore ano kia tnaroke noa nga rongoa i runga i nga rau, ine mapu ano i na kapai te rangi. Ki te pangia kinotia te taevva e te mate nei, me keri tonu; engari i mua i te keringa me tapahi nga rau ka tahu kite ahi, ma tenei hoki e whakamate te miriona o nga heeki o te mate nei, e kore ai e pa atu ki nga taewa ora, e heke atu ranei ki nga taevva. Me tupato rawa te mahi kowhiri i nga taewa; kite kitea he taewa e ahua mate ana me tahu tonu kite ahi, tatemea ki te uru he taewa mate ki roto kite rua ka pirau katoa nga taewa o roto o taua rua. Mehernea ka whakhaeretia tikatia nga kupu tohutohu nei, e kore te mate nei e hora haere, ma te mahi mapu nei e arai. Ki te kore e mahia, heoi ka mate nga maara taewa i te aitua nei.' He nui nga maara taewa kua whakaorangia e te rongoa nei, ara Bordeaux mixture, a e tino tau ana kia mapua nga taewa ahakoa kaore ano kia pangia e te mate, e rite ana hoki tenei kite mahi inihua, e arai ana hoki i te mate aitua nei. E taea ana a raro o nga rau o nga tata te mapu kite papu whai cyclone, Bordeaux nozzle, side-delivery cyclone ranei, ara he mea whakapiko nga puta rerenga mai o te rongoa kia taea ai a raro o nga rau. A te wa e hauhakea ai nga taevva i te ngahuru e haere ake nei, me tuku nga purapura kite Bordeaux mixture, me tango ake, me hora kia maroke; a me waiho i roto i tetahi whare e puta nei te hau ki roto, kaua rawa e kohia ki roto kite rua

He mea tango mai i roto i te: —Kahitio NiuTireni.