TE WHAI-KORERO A TE PIRIMIA.

Matuhi, Volume II, Issue 102, 13 September 1905, Page 10

TE WHAI-KORERO A TE PIRIMIA.

I nga ra o Hurae ka hori ake nei, ka whai-korero te Pirimia ki tetahi peka o te Ropu Mahi Atawhai o Poneke he ropu hou, a, i puta i a ia enei kupu mo te iwi maori. Ko te hiahia o te Kawanatanga kia pai rawa te whakahaere i te iwi mao-

ri, a e aroha ana hoki te Kawanatanga kite iwi maori, notemea ite takiwa e toitu ana te tangata e torutoru ana te iwi pakeha ki enei motu, e nui ana te kaha o te iwi maori kite tiaki i te iwi pakeha, kite hoatu kai, kite hoatu whenua, ko nga raruraru katoa i aua ra na te he tonu ano o te iwi pakeha i puta ai aua raruraru, kaati ten a. Na he maha nga mano eka o Aotearoa nei i hokona e te iwi maori mo nga moni iti rawa. Ite takiwa ki Heretaunga Haaki Pei, he whenua papai kei reira, a i utua e te Kawanatanga e .£7, pauna mo te eka. I mua ko nga taonga i riro i nga maori hei utu mo nga whenua, he paraikete, he hopi, he pu, mete huhua noa, kaore nei e tika aua taonga hei utu whenua, a ko etahi whenua e utua ana e 2/6 mo te eka, he tikanga he rawa tenei.

Ko te mahi tika ma tatou inaianei he hapai ake i tenei iwi pai, manaaki i te tangata. Ko te Kawanatanga kei te whakaaro kia whakaritea hoki nga ture, epa nei kite iwi pakeha, kite iwi maori, ara te ture whakahaere whenua. £ 5 ano nga miriona eka kei te iwi maori inaianei, a e 8 rairiona kei te Kawanatanga. Na ko te whakaaro o te Kawanatanga kia whakatuheratia nga huarahi tuku moni kite iwi maori, hei hanga i o ratou whare, me era atu tikanga; e puta ai he painga kia ratou, kia rite hoki kite iwi pakeha e whakatuheratia nei nga huarahi moni, ki tona whakaaro ma tenei take e mutu ai te heke haere o te iwi maori, e tupu ai hei iwi kaha. Pepa o te Hunga-iti.