KEI TE RARURARU A TIAPANI.

Matuhi, Volume II, Issue 102, 13 September 1905, Page 9

KEI TE RARURARU A TIAPANI.

I mahara tatau kua mau pea te rongo a Tiapani me Ruhia, kua mutu nga ngangaretanga, otira kei te ngangare tonu a Tiapani ki ona kai whakahaere kia kaua e hainatia te Tiriti i waenganui ia Ruhia me Tiapani. Ko te take o.taua raruraru, mo to whakaaetanga a Tiapani kia kaua e utua nga moni a Tiapani i pau mo te w ha whai. I te 8 o nga ra o Hepetema nei ka tahuri te iwi kite tahutahu haere i nga whare o nga kai whakahaere. Na noa hoia me ny;a Pirihi i tiaki te Tari o te Kawanatanga l kore ai e wera. I roto i tenei raruraru e rua rau nga Pirihimana i tu a kiri. E wha nga tangata o te iwi i mate, e rima rau nga mea i tu a kiri, e rua rau nga meai mau kite whare herehere, tekau ma wha o roto i nga mea i mau kite herehere i tu akiri, i nga Pirihi kite hoari. I te 9 o nga ra nei ka hui te iwi kotahi rau mano te tokomaha kite whakariterite i etahi take hei whaka-

takoto kite aroaro o te Mikato (Kiingi) o Tiapani. He nui te kaha o nga Pirihi kite whakararuraru i taua hunga, otira i te tokotnahao taua hunga kore rawa i taeia e nga Pirihi, tu tonu ta ratou hui, oti iho ta ratou kupu me tuku he reta kite Tumuaki o nga Tianara kia Mahera Oiama (Marshall Oyama), kia whawhai tonu, kaua e whakaae kite maungarongo. I te mutunga o te hui, ka haere te iwi kite whare ote Minita ote Karauna i reira nei te Pirimia, me etahi o nga Minita, mete Tumuaki o nga Pirihi, ka tahuri taua hunga kite whiuwhiu i nga Pirihi kite Paruparu kia kapo ai ngakonohi o nga Pirihi kia uru ai ratou ki roto i te whare, otira kaore i kaha i te nui rawa o nga Pirihi, i to ratou korenga ano e uru ki roto i te whare, katahi ka tahuri kite tahutahu i nga whare pakupaku o waho atu i te whare o tetahi o nga Minita a te Kawanatanga. Ko tetahi o nga take i ngangare ai te iwi kite Kawanatanga, mo te korenga e panuitia te maungarongo, kia kite ai ratou, kia mbhio ai hoki kite ahua o te maungarongo. I panuitia e te Pirimia te maungarongo, katahi ano te iwi o Tiapani ka marie, ko te hunga tiiio kaha kite ngangare kite Kawanatanga ko te hunga-iti.