THE MATUHI PRESS. Wenerei, Akuhata te 30, 1905. TURE MANU O NIU TIRENI (Takiwa Tika mo te Patu).

Matuhi, Volume II, Issue 100, 30 August 1905, Page 2

THE MATUHI PRESS. Wenerei, Akuhata te 30, 1905. TURE MANU O NIU TIRENI (Takiwa Tika mo te Patu).

1 te po o te turei ka hori ake nei, ka whakatakotoria e Ta Hohepa Waari te Pire arai; kia kaua e patua nga kararehe me nga manu, kia pai ai te whakahaere mo nga kararehe, a, kia pai ai hoki ki nga Ropu whakahaere mo te mahi tiaki manu, na ko te takiwa tika mo te-patu manu, me timata i te 31 o riga-raKo Mei, me mutu kite 31 o nga ra o 'Hufae, otira mehemea ka tono tetahi Ropu whakahaere mo te mahi tiaki manu, (he mea rehita nei taua Ropu) kia nekehia atuano te wa mo te patu manu me neke atu ano, a mehemea ranei ka tono taua Ropu kia tutakina te wa patu manu me tutaki. Na mo te wa patu Tia (Deer), ma te Kawana i roto i tona Kaunihera e panui te wa. Ko tetahi rarangi o taua pire e penei ana, me kaua te tangata e patu, e mau ranei i tetahi kararehe, manu maori ranei, i waenganui i te 7 o nga haora o te ahiahi, kite 6 o nga haora o te ata, ma te Kawana e panui te waahi (takiwa) e tuhera mo te mahi patu manu, te waahi (takiwa) ranei kaore e tuhera mo te patu manu, kaua tetahi manu e patua, e paitinitia, e tawhititia, e mau oratia ranei, i te mea kaore he raihana, ko te paina mo te tangata kaore ona raihana, kia kaua e neke atu i te £2O. Ko te utu mo te raihana =£l, kite hiahia te tangata kia whai mana ia kite hokohoko manu, me tango e ia he raihana, a, ko te utu o tau raihana e £5, kaore e whakaputaia he raihana ki nga tamariki i raro iho i te 16 nga tau. Ki te kitea te

tangata e patu ana i te manu Peihana uha; ka painatia ia kite uioni kia kaua e neke atu ite £2. Tera ano nga whiu mo nga tangata e whakakino ana, e mau anaranei i nga heeki a no-a manu, kei raro iho nei whakahuatiaai nga ingoa. Ko te utu mo te patu i nga manu maori, kaua e neke atu i te 5/-, otira ko nga maori e patu ana i nga manu mo te kai kaua mo te hokohoko, kaua hei mau raihana; ka whai mana noa atu te tangata kite patu i nga manu maori i runga i tona ake whenua, kaua he raihana, tae atu hoki ki ona uri ka pera ano te whai mana me nga matua. Hei te 3 tau i muri atu i te tau 1907, ka katia mo te mahi patu manu, kararehe, i ko atu i te tia me nga manu maori. Na ko te wa mo te patu Weka ko te marama o Pepuera, Maehe, Aperira. Ko nga manu pakeha me nga manu maori hoki, kaua e hokohokona, i te mea kua neke ke atu ite wa i katia ai te patu manu, a kaua ranei e puritia i roto i nga ra e 7, i muri iho i te katinga o te takiwa patu manu, meheinea kite kitea te tangata e tuku manu atu ana ki waho atu o te Koroni, kaore nei te Hekeretari mo te Koroni i whakaae, ka painatia ia kite moni kia kaua e neke atu i te £2O. Ma te ture ano e whakaae te ahua mo nga pu katoa, e tika ana mo te mahi patu manu.

Mehemea kite kitea te tangata e haere ana kite kimi manu i runga i nga whenua paraiweti, ka painatia ia, kite moni kaua e neke atu i te £2, Kaua te tangata e mau raai i te kararehe, i te manu, i nga ngarara pakupaku, i te Kopiona, i te Nakahi, i te Pokiha, otira i nga ngarara whai waewae katoa; i nga kirehe ngokingoki me nga mea whai parirau, kaore nei te minita i whakaae, ka painatia taua tangata kite moni nui. Ko nga kai-

tirotiro katoa me whakawhiwhi ratou ki nga mana pirihi, a ko te tangata ka turi ki taua kai-tirotiro, ka aki kino ranei i taua kai-tirotiro, ka whiua taua tangata kite moni nui. Ko nga Ropu whakahaere mo te mahi tiaki manu, me rehita katoa.

Apiti tuatahi:—Ko nga manu me nga kararehe pakeha, peihana pateriti (partridges) he kuruhi (grouse) he koera he tiwaana, (Black gause, Plarmigan, Snipe, Plover, Antelope he Tia, he Hea), me nga ahua Parera puihi o nga motu e tukua mai ana ki tenei motu.

Apiti tuarua: —Ko nga manu maori parera puihi o ia ahua o ia ahua, he (Pied Stilt Plover) he Pukeko, Kuihi puihi he (Dotterell), Kereru, Tiwaana pango, he (Teal) he (Black Stilt Plover) he Weka, he Kaka. Ko nga manu me nga kararehe hei tiaki kaua e patua.—He Makomako, he (Bittern) he Kokako, he Whio, he (Crested Grebe) he Kotuku, he Huia, he Kiwi, he Ruru, he Kakapo, he Tieke, he Ihi, he Tui, ko nga Kararehe he Patamu he Warapi.