KI TE ETITA O TE MATUHI.

Matuhi, Volume II, Issue 100, 30 August 1905, Page 10

KI TE ETITA O TE MATUHI.

Tupapaku. Kua mate a Kiiugi Tohunga o te Hauke nei, he tangata rangatira he uri na Turaliui, he uri na te Whatuiapiti; ko'te whakapapa tenei i puta mai i a te Whatuiapiti. Na Te Whatuiapiti.— Ko Te Wawahanga-oterangi ~ Te Rangikawhiua ~ Te Manawakawa „ Te Rangikoianake „ Te Motu-ate-rautangata ~ Matiu ~ Kiiugi Tohunga ~ Ereni ~ Kiingi Waihi. He toa tenei tangata, he roa, he nui, he tangata pai te ahua, he moko, he rape ona, he ma tona kiri; ka rawe te mau mai o te moko, ko nga tau tata tonu kite rau, kite mohio ake kua mutu te karanga nei, Niu Tireni; he nui te aroha, i mate ano ia ki roto ki tona whare, ki Pakewairangi; heoi mihi mai ki to koutou whanaunga, ki to koutou "tuakana taina" ki to koutou tip una, ki ta koutou tamaiti heoi. Arepa Maki, Te Hauke. Akuhata 24 1905. Tupapaku. No tera wild nei ka mate a Hira Maeke, o Ngati-awa, ki Otaki. He nui te tangata i tae kite tangi. Ko Hira Maeke, i tae ano ia kite Whawhai i Te Xgutu-o-te-manu, i te tau 1868. No te haterei nei i nehunaria ai.

Tupapaku. No te paraire nei ka mate a Te Rore Rangihuia kite Motuiti. He nui te tangata i tae kite tangi. Ko te whakaaro ake ka rima tekau ona tau. Tupapaku. No te Paraire te 25 o nga ra o Akuhata nei i mate ai a Wi Neera Te Kanae, tetahi 6 nga tangata Rangatira o Ngatitoa, ki Porirua. He mokopuna ia na te Rauparaha, tetahi o nga toa Marohirohi ote Tai Hauauru, ko Wi Neera tetahi o nga Ateha tino mohio atu o Te Kooti Whenua Maori. Tupapaku. No te Haterei nei ka tae mai te waea a Henare Te Atua, he whakaatu mai nana kua mate a Rora Rupuha, no te 25 o nga ra o te marama nei i mate ai. Tupapaku. No te Ratapu ka hori ake nei ka mate a Kapana Patena, o Rangitikei, tetahi o nga tangata Rangatira o tera takiwa. I tona manawa tona mate.