HE WHAKAATU.

Matuhi, Volume II, Issue 92, 28 June 1905, Page 5

HE WHAKAATU.

1 te Hatarei 17th o te marama nei, ka kawea tetahi wahine maori o te takiwa o Mahitaone nei, kite Rakapa mo te nui o te Haparangi o raua reo, ko taana taane i runga i to raua ririritanga kia raua i te tiriti o Mahitaone ka hopungia ka mauria te wahine kite Rakapa, e te Pirihi o te taone

nei, ka oma te taane i muri mai o te wa i mauria ai te wahine, ka haere te tangata naana te wahine nei, ki etahi tangata maori tono ai kia peeretia tana wahine, heoi i arohatia taua wahine kaore i tuku a kite rakapa. Kaati he kupu ake tenei iiakii mo runga i tenei tu mahi, ara, me whakamutu, te mahi i enei mahi tutna, no etahi tangata te urunga atu ki roto ki era tu mahi kino, ka eke noa atu te tawai ki runga kite hunga rangimarie na ka ki ano ahau, ahakoa pewhea te te kaha o te hianga o te whakaaro o te tangata, kite takahi i nga ture, i nga taone, i nga kainga maori, i roto ake ranei i tona whare, ka mana tonu te ture ki nga waahi katoa, kua kiia i runga ake nei, kite whiua nga tangata i runga ite whiu paina kite kawe atu ranei kite whare-herehere, na reira ka tuaruatia ake ano te kupu nei, me whakaumtu rawa te hianga o te ngakau o te tangata, wahine ranei, ki te whakakino, whakatutua i tou tinana ,ka whara koe i te ture, engari tiakina tau kapa, o tou weraweratanga mote kai e tika ana ma tou kopu me au potiki, me nga mea e tika ana mo runga i tou tinana. He kupu whakatupato, kei te taone nei au, tetahi o nga mema o te Kaunihera o Rongokako e noho ana, kua whai kupu atu ahau kite Hariana o nga Pirihi o te taone nei, kia hopuhopukia nga tangata, wahine ranei e kitea ana e haurangi ana, e korero nui ana e haparangi noa ana e kakan ana ranei, me hopu, ka tuku kite Rakapa, a kaua hei whakaaetia, mehemea ka tae atu he tangata kite peere, kia whakaputaia ki waho, aua tangata aua wahine ranei, heoi ano nga kupu. Na Te Wainohu Te Huki, Teputi Etita. Mema hoki o te Rongokako Kaunihera.