Eaa te tupu nei
Te kite nei tatou, e maata te mapu Kuki Airani e akatupu nei i te angaanga teuporo i te ra Sabati. Te riro nei teia ei manamanata kite an metua. Te akamanako nei te au metua e te riro nei teia tu ei akangaro i te akonoanga tei matau ia i te Kuki Airani. Te riro katoa nei teia tu akonoanga ei akavaavaa i te apii anga a te metua.
I teia aura i Akarana nei, teia te ingoa o tetai au pupu tueporo tei akatupuia e te au tamariki mapu Kuki Airani. Ko te Tupapa Rugby Club, ko te Takitumu, ko te Uruavatea, ko Flying Nun, ko te Managaia, ko te Pukapuka, ko te Takuvaine, ko te Arorangi. Ko te uianga ra. “Eaa i reira i riro ei te ra Sabati ei ra tueporo no te maata anga o teia au pupu!’’
Teia tetai au akamarama anga. Kare teia au pupu i akavaavaa i te ra Sabati. kare katoa ratou i akavaavaa i te apii anga a te au metua. Ko te ra ua ra, mei i te Monite kite Varaire, e aura angaanga katoa teia no te kimi ravenga no te oraanga kopapa. Tera katoa kare tetai pupu tueporo e ,tue ana i te ra ua nei. No reira, kua akonoia te ra
mua o te 'week end’ koia oki te Manakai ei ra no te tueporo i Niu Tireni katoa nei. Ko te rateia o te tueporo ‘competition’ koia oki e ra taemoemo no te au pupu tueporo katoatoa. Kare i reira te au ngai tueporo e tetai au pupu tueporo ke ke e rauka i te tue mai ki teia au pupu tamataora no te Kuki Airani. Ko te tue a teia au pupu no te mapu Kuki Airani, e au pupu tamataora ua. Ko te ra tei va mai no ratou, koia oki, ko te ra Sabati. Kare atu ra e ravenga ke mari ra ko te apai atu anga i te inangaro tamataora o te mapu kia tae ki mua. Kia riro te angaanga tamataora ei akamaata atu i te mataora ki to ratou oraanga. Naringa oki e varu ra i roto i te opetoma, ka riro ake paa i reira i te akariro i te ra Sabati ei ra akatapuia mei tei matauia. Inara ra e te au mapu, auraka e varenga ua i te manako tamataora ua i te ra Sabati. Te pati mai nei te au metua kia oki rai tatou i te akamaara i te ra Sabati kia akatapuia. Mei teia te aitenga, kia rave rai tatou i ta tatou angaanga tamataora i te Sabati, e kia tae te ora no te pure i te aiai, kia tae tatou ki pure no te tamataora atu i te oraanga o te
Permanent link to this item
https://paperspast.natlib.govt.nz/newspapers/MANAK19780420.2.18.2
Bibliographic details
Mana (Auckland), Volume 2, Issue 2, 20 April 1978, Page 5
Word Count
464Eaa te tupu nei Mana (Auckland), Volume 2, Issue 2, 20 April 1978, Page 5
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in