KUKI AIRANI
Te Tuatau Mua I Akatupuia Ai Te Cook Islands University Students Association
I teia mataiti, 1978, kua raveia te akatupuanga i te Cook Islands University Students’ Association kite university o Akarana. 1 te Varaire ra 3 no Mati nei, kua raveia te uipa’anga ikianga no te aronga tei manakoia e kua tau na ratou e akaaere atu i teia putuputu anga. Ko te akakoroanga maata, no te kimikimi anga atu i te ravenga ei akamaroiroi atu i te au tamariki Kuki Airani kia aruaru atu i ta ratou apii, e tae ua atu ki te tuatau no te university. Ka riro teia putuputu anga ei tuku atu i tetai au akamarama anga e te akamaroiroi anga kite au tamariki Kuki Airani e anoano nei no te aere atu. ki university. Kua manako katoa teia putuputu anga no te kimikimi anga i te ravenga-akaaravei anga i te au tamariki university kite au putuputu anga a te iti tangata Kuki Airani i vao mai i te university. Penei, ka riro teia putuputu anga ei mata no te Kuki Airani ki te university.
Ko te angaanga a teia putuputu anga i teia tuatau ko te akaaravei anga i te au tamariki ou kite oranga o te university. Te manakonako katoa nei no te akatupu atu i tetai au kimikimi anga moni ei tauturu i te au tamariki na ratou rai e tutaki nei i ta ratou apii. Kua manko koe no te tapiri mai ki teia akakoro anga maata, ka tika ia tetai ua atu tangata, kia aravei ra i te aronga akaaere na
mua ake. Teia te au akaaere; ko te President ko Nandy Glassie,
ko te Secretary ko James Keenan, ko te Treasurer ko Andrew Temata, ko te katoa anga o te au mema tei roto ratou i te Committee, koia oki ko Tony Morgan, Raemaki Karati, Holiday Piho, Arahu Tuteru, Pipi Turepu, Ngametua Tama (mono no te aronga o vao) e pera katoa ki maata anga. Te irinaki nei ratou e ka riro mai teia taokotai anga ei akakoukou i te tamariki apii Kuki Airani i te university kite ngai okotai.
Permanent link to this item
https://paperspast.natlib.govt.nz/newspapers/MANAK19780406.2.20
Bibliographic details
Mana (Auckland), Volume 2, Issue 1, 6 April 1978, Page 6
Word Count
353KUKI AIRANI Mana (Auckland), Volume 2, Issue 1, 6 April 1978, Page 6
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in