Fakatonuaga ma Mutolu ne nakai gahua
Ko mutoiu ne kua fakaoti e tau gahua mai he tau gahuaaga, kia mafiti ke o atu ke he Faahi Gahua Fakatufono ko e Labour Department ke ta atu e tau higoa ke tohi mo e maeke ke moua e tupe lagomatai (unemployment benefit). Ko mutoiu kua tonuhia ke moua e tupe lagomatai ha kua ai fai gahua kua tu e hogofulu-ma-ono (16) he tau tau he motua mo e kua katoa foki e 12mahina he nonofo tumau he motu nei. Ka manako a mutoiu ke moua e tupe lagomatai nei ti kua lata foki ke mau amamaanaki a mutoiu ke gahua he ha gahua kua moua he Labour Department ke o atu a mutoiu ke gahua ai mo e ke kumi foki ni e koe taha gahua maau he magaaho ne nofo ai a
koe i kaina. Ka fakatuai ni a mutoiu ke o atu ke ta atu e tau higoa ke tohi ke he Labour Department ha kua ai fai gahua, ti pehe ni e kakano he mena ia kua nakai manako lagomatai a mutoiu mo e to mole noa foki e tupe ha mutoiu he tau aho ia ne nakai o atu ai ke he Ofisa ke tohi ,e tau higoa. Liga pehe falu ha mutoiu ko e mena fakama a ia, ka e ai ko e hako e manatu ia ha ko e kakano ko e tupe ni haau a ia mai he tukuhau haau ne fa e tuku he tau aho ne gahua ai a koe. Ka e liga ko e loto kaina ha taua ka matematekelea ha kua mamafa e kavega ne hahamo ha kua nakai fai gahua a taua. O a ke uta e tau higoa ke tohi mo e moua foki e lagomatai na kua tonuhia ke moua e koe ato hoko mai e magaaho ke moua e gahua haau. Ko e magaaho ke moua e koe e tupe lagomatai ai fai gahua (unemployment benefit), to poaki atu e Ofis'a Fakatufono ke fina atu a koe ke he ofisa he aho ne fakamau ki ai. Ko e taute pihia ke
ikoa e lautolu ko e ai la moua a koe ha gahua ti maeke ke fakatumau e totogi atu he tupe lagomatai ki a koe. Ha ko e mena ka nakai fina atu a koe ke he ofisa tuga mo e mavehe poke fakamau ki ai, to uta kehe poke nakai totogi atu he Fakatufono e tupe ki a koe ha kua tuaha pehe kua fai gahua tuai a koe. Ko e lahi he
tupe ka moua e koe ko e $44.00 he faahi tapu — nakai lahi ke tuga e totogi ne fa moua e koe he faahi tapu ka e kehe kua fai mena mo lagomatai aki e magafaoa.
Ko e tokologa he tau tagata he motu nei mogonei ne nakai fai gahua kua molea tuai e 31,000 ti fano fakahaga agaia ki mua.
Permanent link to this item
https://paperspast.natlib.govt.nz/newspapers/MANAK19780406.2.18.2
Bibliographic details
Mana (Auckland), Volume 2, Issue 1, 6 April 1978, Page 5
Word Count
489Fakatonuaga ma Mutolu ne nakai gahua Mana (Auckland), Volume 2, Issue 1, 6 April 1978, Page 5
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in