0 Lau luni, Fesoasoani mo ’oe

Mana (Auckland), Volume 2, Issue 1, 6 April 1978, Page 3

0 Lau luni, Fesoasoani mo ’oe

Talu ai ona o le tulaga tau tupe o le ifialo o Niu Sila o lo’o iai pea i se tulaga fa’aletonu, ua fai lea ma mafua’aga ua fa’ateleina ai pea le fuainumera o tagata e le maua ni galuega. I le lipoti talu ai nei mai le ofisa e pulea tagata faigaluega, ua aliali mai ai, o lo’o tuputupu pea le fuainumera o i latou e le maua ni galuega, ona o nisi o Kamupani ua amata nei ona fai vaeaga, ina ia fa’aitiitia a latou tagata faigaluega.

Afai ua manatu le outou Kamupani o le a vaea lana ’aufaigaluega, e ao i lea Kamupani ona logo le luni o lo’o iai le 'aufaigaluega ia le itiiti ifo i le fa vaiaso 'ae le’i fa’ataunu'uina lea fuafuaga. E tatau i le Kamupani ona latou fa’ailoa ia i latou o le a

vaea, ia le itiiti i le fitu aso mai le aso na fai ai lea fa’aaliga, i le aso e fa’amavae mai ai i latou ia i le galuega. E to’atele lava Kamupani o lo’o lelei pea le va’aiga o a latou tagata faigaluega, ’ae o lo’o iai fo’i nisi Kamupani o lo’o latou fa’aseseina tagata, ’ae maise lava galuega o lo’o to’atele o tatou tagata o lo’o faigaluega ai. Afai ua vaea ’oe mai le galuega ona ua leai ni galuega a le Kamupani, e ao lava i le Kamupani ona uia 'auala ’uma pei ona ta’ua i Inga. Afai e iai se mea e te fia malamalama e uiga i lau galuega, fa’afeso’ota’i lau luni o le a fesoasoani tele mo ’oe, po’o le telefoni mai fo’i i Io tatou ofisa nei o le Nusipepa, o le a maua atu ai se isi e fesoasoani ia te ’oe. Telefoni 373-848.