Uusaga Maota o le Galuega P.I.C. Avondale

Mana (Auckland), Volume 2, Issue 1, 6 April 1978, Page 3

Uusaga Maota o le Galuega P.I.C. Avondale

O le Aso To’ona’i, 25 Mati 1978, o le aso o le moli la’au i Foga’a He PIC i Avondale aua ua tini pa’o le uto, ua atoa tupe i le fafao, ua aofia moli i le futi’afu e tasi ua atoa tino o Va’atausili. O le fa’amoemoe ua taunu’u o le la’au o le ola lea. O se aso matagofie ma le fiafia i le ’aulotu ma le fa’afeagaiga a Avondale ’ae maise i le susuga i le agaiotupu le Tofa Poloai Karl Laurenson, ina ua fa'amae’aina le galuega ma le manuia. E leai ni gafa na talia, ’ae na o le taumafataga fiafia sa saunia e ie susuga i le Fa’afeagaiga ma le Faletua, ma le mamalu o le Ekalesia, i Avondale. O le 11.00 i le taeao na amata ai i le sauniga fa’afetai. ma sa ta’ita’iina e le susuga i le ta’ita’ifono a le EK Perepereane, le susuga ia Leuatea Sio. Ina ua uma ona ’o’otina le lipine e le

faletua o Mrs Challis, sa ulufale loa le mamalu i le ’aufaigaluega, le pa’ia i le ’auvala’aulia, ma le mamalu o le Ekalisia i totonu o le maota ma fa’amae’a ai le sauniga. O le susuga a Malaefou Koria, o le failautusi, ma o le susuga lava a Koria sa faia le tala o le galuega. Na soso’o ai ma le lafoina o le taulaga.e 27 matafale o le ’aulotu, ma sa maua ai le tupe e $3,8000. O le tau na fuafuaina o le fale atoa e $46,000. Fai mai le susuga a Koria, e ui lava i le ’au’au fa'atasi o le susuga i le Faife’au ma le 'aulotu i su’ega tupe mo le galuega, ’ae a na leai le fesoasoani mai le sugua i le agaiotupu, le Tofa Poloai Karl Laurenson, e le vave ona mae’a le galuega. Fai mai fo’i le susuga a Malefou Koria, p le tele o vaega o le tino o le fale, na toe fetu’una’i ina ia fetaui tonu ma

lona fa'aaogaina, ma ina ua fa’a’uma le gajuega, ua iai le fa’asiloga tele i le tau na fuafuaina, fai mai a ia, o le tau sa tatau ona iai le galuega atoa e tusa e $78,000, ’ae o’o mai i le taimi ua umusa ai le galuega, e le’i toe fesili atu lava le kamuta i se isi tupe. Fai mai le Tofa a Poloai Laurenson, na te le fai se galuega mai tua i le tau lea, ’ae ona o le tagi atu i le fa’afeagaiga ma le ’aulotu i Avondale, o lea na ia taumafai ai lava e galue i le mea e o’o atu iai lona taumafai ia maua le mea o iai le mana ’o o le Ekalesia i le tau latou te mafaia, ona o si 'aulotu e to’aitiiti ma gaogao.

I le tasi i le aoauli, ua mae’a le lotu fa’afetai, ma na soso’o ai loa ma le taumafataga tele a sa faia lava i le maota o le galuega i Avondale. Ina ua mae’a le taumafataga, ona fetalai loa lea o

le Tofa a Limu Tepa Tafili e fai ma fofoga o le susuga i le Fa’afeagaiga ma le ’aulotu i Avondale aua le ’aufaigaluega pa’ia, ma le mamalu i le faia si’igata ia Tumua ma Pule, sui o Ekalesia ma e na vala’aulia. O le Tofa a Lealaiauloto Tema na fai ma sui o Tumua ma Pule na te fa’a le agatonuina le fetalaiga i le Tofa ia Limu. Sa ta’ape le 'auvala’aulia ma amoga taumafa ma le fiafia tele, ona o le matagofie o le aso.

O matafale la nei e 27 o le 'aulotu P.I.C. i Avondale: Rev. Leao Miriama Si’itia, Anuilagi Sina Maiava, Limu Leotele Tepa, Kovati Selepa Li’o, Vasa Lavalea Lesa, Molipo Avele Leilua, NofoVaipou Mu, Luamanuvae Toafa Kirita, Keresoma Vaialasa Su’a, Leifi Va Talona, Lameko Paolo FuamatuNumera Salafai Mataia, Fuata Alofou Lalogafau, Lopati Alaisa Matamu, Lepou Taumaia Aukuso, Aefua Tta Sione, lele Siufofoga Leilua, Sau'i’a Tinei Esau, Leilua Ferila Fasi, lese Peta Saofa’i, Siaosi Fuala’au Pa’u Aleaga Laga, Aiulu Huch, Afega Si’itia, Salevao Aiolupo, Mrs Asoiva and ’auaiga, Malaefou Faimanifo Koria, Pita Fiamata’i.