A’oga po mo le gagana Peretania

Mana (Auckland), Volume 1, Issue 15, 23 February 1978, Page 5

A’oga po mo le gagana Peretania

Ua lauiloa ma ta’uta’ua le ’a’ai o Aukilani, ona o le ’a’ai e aupito tele le faitauaofa’i o tagata Polesia o lo’o nonofo ai, e le gata ia Niu Sila atoa, ’ae fa’apea fo’i i ’a’ai o isi atunu’u o le lalolagi. Ua mautinoa le to’atele o le faitau aofa’i o tagata mai atumotu, e faigata ona malamalama, ma tautala i le gagana fa’a-peretania. O le fia fesoasoani ina ia fa’aleleia lenei fa’afitauli, o lea ua amataina ai_nei a’oga po i le Kolisi o Matata ’Ese’ese i Carrington po’o le Carrington Tech-

nical Institute. O le ali’i o Mr Douglas Hill, o ia lea o lo’o fa’auluulu iai le polokalame lenei o a’oga po i lea Kolisi, fai mai a ia, “E talosaga atu i tagata ’uma ina ia una’i mai tagata o o latou aiga, o a latou uo, o i latou e le mafai ona tautala i le gagana fa’a-peretania, ina ia latou fa’aaogaina le avanoa lenei, i le a’oa’oina o le gagana peretania.’’ Fai mai fo’i a ia, ‘ ‘Tatou te le o iloaina le anoano o tagata polenisia, latou te le o a’oa’oina le gagana peretania. E selau ma selau tagata pelenisia e femalaga a’i fa’atasi i aso ’uma i galuega. O nei lava tagata o lo’o latou fa’a-aogaina lava a latou lava gagana i totonu o pasi, totonu o fale faigaluega, po’o totonu fo’i o latou aiga”. Fai fo’i le ali’i, “O nisi fale faigaluega, ua latou una’i malosi o latou tagata faigaluega ina ia a’oa’oina le gagana peretania.” O lona lua lenei o tausaga talu ona amataina Kosi nei i Carrington. O le tausaga na te’a nei, sa matua le iloga ona to’a tele nisi na fa’aofi mai, A o tagata ’uma lava na ofi mai i le amataga o le

tausaga, e fa’ai’u lava le tausaga o iai lava. O le tala lea a le ali’i o Mr Hill. Fai mai ia Mr Hill, O vasega i le tausaga lea na te’a nei, sa iai ia Saina, o tagata Dutch, o Yuogslav ma isi atunu’u ’ese’ese. E le lava tagata mai le Pasefika, a o latou ia o lo’o sili ona mana’omia. O nei vasega e faia i Aso Lua, Aso Lulu ma Aso Tofi i le itula e 6.30 i le afiafi fa’apea fo’i i fale faigaluega i vai ’aiga i le sefululua, po’o le taimi fo’i o le amanava o galuega. E le faupauina taimi mo nei a’oga, e pule lava le tagata ia se’iloga lava ua lelei lana faitau, tautala po’o le tusitusi i le gagana peretania.

Ona o Carrington e i le ogatotonu o Mt Albert ma Pt Chevalier, o lea o le a taumafai ai le susuga a Mr Hill ina ia taumafai ia avanoa ni auala e femalagaa’i ai tagata mai le a’oga i so’o se itu o lo'o mana’omia e tagata. O nisi o fa’amtalaga telefoni i le 869-106 ext. 54 po’o le 468-424 i itula o le afiafi.