Fenoga Ahiahi he Tau Ikipule Aoga ha Ausetalia

Mana (Auckland), Volume 1, Issue 14, 9 February 1978, Page 4

Fenoga Ahiahi he Tau Ikipule Aoga ha Ausetalia

Ko e Aho Faraile 27 ia lanuari ne hoko atu taha fenoga lahi mai Ausetalia ko e toko 7 e Ikipule he tau Aogt mo e ha lautolu a tai Pakitaki-Pule he tau Aoga, tau tokoua mo e tau fanau (ko e toko 60 he katoa) ke he Fonua Aoga he tau Aelani i Herne Bay i Aukalane fakalataha ai foki mo e Ikipuk he tau Aoga ha Niu Silani kc Mr Gandar mo e Takitaki Pule he tau Aoga ko Mr Renwick mo e Hagai Takitaki ko Mr Boag. Ko e magaaho ne hoko atu ai e fenoga ne fakafeleveia a lautolu mo e Kau Fakatonu he Fonua Aoga Fakatonu ko e Pacific Islanders Educational Resource Centre.

Ne fakamua ne taute ai e tau fakamatala kua fakamatala ai e Takitaki Komisi he Kau Fakatonu, tali atu ki ai e Ikipule he tau Aoga ha Niu Silani mo e hukui mai he fenoga ti fakaoti ai he Takitaki he Aoga Fakatonu e tau fakamatala ke he tau kupu fakamaama ke he tau gahua he Pacific Islanders’ Educational Resource Centre. Ne nava mo e fiafia lahi e Ikipule he tau Aoga ha Niu Silani ha ko e mafiti he tau gahua kua fakafita ki ai a lautolu i loto he faahi gahua foou nei ne fakatu he Fakatufono he tau kua mole ke lagomatai aki e tau tagata aelani ne nonofo he motu nei.

Kua nava foki e hukui mai he fenoga ha kua fai mena pihia Kua taute he Fakatufono Niu Silani ma e tau heagaapi he tau Aelani kua nonofo h< motu nei.

Mole atu e tau fakamatal i taute ai he tau Samoa e taha akalili fuaga ke he kava mo? baki atu ke inu a lautolu e tau ilifu kua fifili pauaki ha ko e nena nakai foaki fakahanoa j kava ke inu ha tagata noa. Ne to lahi e lilifu he tauteage te kava mai he kamataaga ato hoko ke he fakaotiaga Ne ha ha i ai foki e tau matakainaga ha tautolu km fakalataha atu ke he fakafeleveiaaga na ko Viliko mo Rangi, Betty Togalea, mo Niki Ikimau mo e haana tokoua. Kua nakai fakalataha atu e hukui ha Niue i loto he Kau Fakatonu he Aoga ko e Faifeau ko Pehalo Talagi mo 5 haana tokoua ha ko laua ha i Niue. Kua ha ha i ai foki e tau lilifu kehekehe mo te tau takitaki mae he tau heagaapi he tau Palagi, Maori, Samoa,

Tonga, Tokelau mo Kuki Aelani.

Kua fakaoti e fiafia ke he tau koli mai he tau motu kehekehe mo e taumafa ai ke he laulau mo e tau mena inu kua tauteute ai he kau gahua he Pacific Islanders’ Educational Resource Centre mo e tau matakainaga ha lautolu kua o atu lagomatai.

Tokologa a mutolu ne nakai la hohoko tino atu ke he Fonua Aoga na ke kitia mo e moua foki e tau talahauaga ke he kakano he fakatuaga he faahi gahua ia, ti kua aoga lahi ni ke aafe atu a koe ki ai taha magaaho ka fano hala ia ke tutala mo e feleveia mo lautolu kua gahua ai i loto. Ko e igatia ni e motu mo e haana hukui ne gahua ai ti kaeke kua fai mena uka poke vihi e taha tagata aelani ke he tau mena kua fehagai mo e moui haana ke tuga e tau aoga ke o ai e tau tama, tau mena fakaako, fakalaulahi atu he tau fakaakoaga mo e falu a mena kehekehe foki, ko e faahi gahua ha ia ke fina atu a koe ki ai. Ko e numela he kaina ia ko e 272 Jervois Road, Heme Bay, Auckland telefoni 760-132 poke 762-000. Ko e tama fifine ne tali e telefoni ko e tama Niue ti ai fakauaua a koe kaeke kua nakai maama a koe he vagahau Pelitania.