Te Ao Ou i te Kuki Airani
Kua kite oki tatou i teianei i te manamanata i tupu ki rotopu i te au nuku vaeau i te Kuki Airani, koia oki i roto i te tua angaanga o te kavamani. Kua marama tatou e kua akaruke a Dr Joseph Williams raua ko William Estall i to raua taoanga i roto i te kavamani. Kua akakite a Dr William, e ko te tumu i akaatea ei aia no roto mai i teia kavamani no te mea e maata roa te akarakara a te Peremia ki tona uaorai kopu tangata kia riro ei aronga mamaatai roto i te kavamani, e pera katoa e maata ua atu rai tana ravenga akapakari i tona uaorai ririnui ki runga i te au aronga i raro ake i a ia. Kua manako a Dr William e te aere ua atu nei te au ravenga taukore a te Peremia ki mua ma te kore e akara matafio ana i te oranga o te iti tangata. Kua manako a Dr Williams, e mea tau kia akakoreia teia tu kavamani i roto i te Kuki Airani. Ko te apinga maata i teia tuatau mari ra ko te akara atu anga kite aura e vaitata mai no te ikianga maata i te ra openga o Mali nei. Penei ko
te au akairo ta tatou e kite nei i teia nei, e au akairo meitaki te reira me ka riro ake tatou i raro ake i tetai kavamani ou. Te irinaki nei tatou e ka riro mai te kavamani ou, penei ko te Democratic Party, penei ko tetai atu kavamani ke ei apai mai i te akatere anga meitaki e te tau tikai ki to tatou patireia i te Kuki Airani.
Permanent link to this item
https://paperspast.natlib.govt.nz/newspapers/MANAK19780126.2.12.8
Bibliographic details
Mana (Auckland), Volume 1, Issue 13, 26 January 1978, Page 4
Word Count
290Te Ao Ou i te Kuki Airani Mana (Auckland), Volume 1, Issue 13, 26 January 1978, Page 4
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in