Amata Gaoioi Galuega o le Fale Samoa

Mana (Auckland), Volume 1, Issue 12, 25 December 1977, Page 3

Amata Gaoioi Galuega o le Fale Samoa

Ua amata nei ona fa’agaoioi galuega mo le fausia o le “Samoa House” po’o le Fale o le Malo o Samoa i Sisifo i Karangahape Road. Sa taofia le fuafuaina o galuega amata o le fale e le Auckland City Council, ona o se vaega o le fogafale a luga sa fa'aletonu i le ata na tusia e le Kamupani tusi ata o JAS MaD. Ua mae’a nei la ona toe fetu’una’i le ata ina ia fetaui ma le mana’o ma le tulafono

o fauga fale a le City Council. O le ali’i o Mr Ivan Mercep. o ia lea o lo’o fai ma so’o ’upu a le Kamupani. Fai mai a ia, " Ua a mat a ina nei galuega o le suaina o le fanua mo le tulaga o le fale, ma ua iai le fa’amoemoe, ia mae’a 'uma le vaega muamua lea ’ae le’i o’o i le Kerisimasi, ma amataina ai loa galuega o le fale i le amataga lava o le tausaga a sau nei.’’ “O le fasi 'ele’ele lea ua fa’atuina ai nei le fale, e

fa'afesaga’i tonu ma le Fale Meli o Newton, ma o fanua lava o le Malo o Samoa i Sisifo. O le tau fuafuaina mo le fale, tusa lea ma le $l.l million’’ O le tala lea a le ali'i o Ivan Mercep. O le fale atoa, ua fa’amoemoe o le a iai ni fale oloa, fale ’aiga, Ofisa ma o le a fa’amautu 'uma iai Ofisa o le Malo o Samoa o lo’o i totonu o Aukilani. O le a iai fo’i ma Fale Oloa e fa’atau ai galuega taulima, fua o fa’ato’aga mai atu motu ma ofisa fo’i mo femalaga’iga. O le fogafale e lua, o le a fausia ai le “Hall" e fa’afoliga i se fale Samoa. Ua fuafuaina lenei galuega tele,ina ia fa’amae’aina i le fa’ai’uga o Novema i le tausaga a sau nei 1978.