4150 Tata i le ’ave sese

Mana (Auckland), Volume 1, Issue 12, 25 December 1977, Page 3

4150 Tata i le ’ave sese

I le masina o Oketopa i le tausaga na te’a nei 1976. i le taimi na pu’eina ai e Leoleo so’o se tagata i le auala e masalomia o se Ova Sitei. po’o i latou fo’i ia ua silia aso fa’ataga e nonofo ai i totonu o Niu Sila, sa to’atele nisi o tatou tagata Samoa na ’aveina e Leoleo ma taofia i le Fale Taofia, a’o ia tagata. ua iai lo latou sa’olotoga e nonofo mau ai i Niu Sila. O nisi fo’i o i latou ia, o tagata a nu’u moni o le Malo o Niu Sila. I le vaiaso na te’a nei, na tu’uina atu ai i luma o le fa’amasinoga i Aukilani se

tagi a ni ali’i se to’alua mai le fa’alapotopotoga a le Hare Krishna, i le molia ma ’aveseseina o la’ua e Leoleo i le taimi na sa’ilia ai le ’au Ova Sitei i le 1976. O le tasi o nei ali’i, o Mr Clifford Blake Foster, na tagi ina ia totogi ina e le Ofisa o Leoleo, ma le Loia sili a le Malo ia te ia le tupe e $15,000. A’o Kevin Richard Humphrey e $lO,OOO. Na ioe le Loia Sili ma le Oifisa o Leoleo i le fa’amasinoga e tusa ma le tagi fa’asaga ia i latou. Na fa’ai’uina le fa’amasinoga ma fa’atonuina le Ofisa o Leoleo ia totogi atu le tupe e $2300 ia Clifford Blake Foster, ma le $lB5O mo Kevin Richard Humphrey. E iai nisi o tagata Samoa na 'ave seseina e Leoleo, o i latou na fa’aulu a latou tagi aga’i i faiga a Leoleo, o lo’o fa’atali nei a latou fa’amasinoga. Mata lae fia ni afe a le Ofisa a Leoleo e alu pe ana fa'apea e fai ’uma ni tagi a le anoano o mau tagata na 'ave sese ma ia loka i lena vaitaimi?.