Muhammad Ali:
“He tangata, he Atua, he tangata, he Atua." E ea ai nga korero kua hakatia e nga tini tangata o nga ra o mua tae noa ki tenei ra, ko tenei kaupapa korero kua whakaritea e nga tangata whanui o te motu, heoi ano, nga whakaaro hoki o te ao katoa. Ko te tangata nei kua mohio whanuitia e te ao katoa, a ko tana mahi kei roto i nga atamira o te takaro e kiia nei ko te mekemeke tangata, ara, tena e kiia nei ko te "boxing". Mehemea kua kite koe i te whaititiri kua kite ano koe i tenei tangata. Mehemea kua rongo koe i te haruru o te waka rererangi, kua rongo ano koe kite umere o te minenga mo tenei tangata. Pakaru mai te kaha o te reo o tenei tangata. Kaore koe e kite i tenei tangata i te po, no te pango hoki o tana kiri, i te kite ana koe i te kanohi o te tangata nei -Aue, katahi te ataahua o te tangata nei. Te pai, te kakama, te koi, te teretere mete ohorere hoki. Pau katoa enei mea ki rung a i tenei tangata. Ahakoa he tangata ma, he tangata pango, he tangata kowhai, ara, mehemea he tiainamana ranei ka hinga katoa ratou i a ia. Otira kei te koroua haere inaianei, kei te whawhai tonu, kei te hinga tonu te hoariri - ka mau rate wehi! Kua put a he pikitia, ko ia nei te kaupapa o te pikitia. Me kite tonu koutou i te pikitia nei kia mohio ai koutou kite toa o te ringa whawhai. Waiho noa inaianei ma nga kupu e whai ake nei e whakaputa te rahi o tenei tangata. “Ko au te tangata nui. Ko au te tangata tino nui. Ko au te tangata tino nui raw a atu. Ko au te tino tangata tino nui rawa atu. Tihei Mauriora! Tihei Mauriora! Uia mai koia Whakahuatia ake
Permanent link to this item
https://paperspast.natlib.govt.nz/newspapers/MANAK19771124.2.8.3
Bibliographic details
Mana (Auckland), Volume 1, Issue 11, 24 November 1977, Page 3
Word Count
324Muhammad Ali: Mana (Auckland), Volume 1, Issue 11, 24 November 1977, Page 3
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in