Leone ma Otara

Mana (Auckland), Volume 1, Issue 11, 24 November 1977, Page 6

Leone ma Otara

I le Aso Gafua, aso 26 o Tesema, ua fa’amoemoe o le a taunu’u mai ai le malaga a le ’Au Talavou a le nu’u o Leone mai Tutuila, mo la latou so’o ma le ’Au Talavou a le Ekalesia P.I.C. i Otara.

I le tausaga na te’a nei, na malaga ai le ali’i Faife’au o Neli Repley ma lana ’Au Talavou i Tutuila mo le lua vaiaso. Fai mai le susuga a le ali’i Faife’au, o le tu’utu’uga lava ua ’uma ona fai ma le susuga i le ali’i Faife’au ma le ’Au Talavou a Leone, ina ia malaga mai i le Kerisimasi

E lua vaiaso o le a iai le malaga i Niu Sila nei, ma e tusa ma le fa sefulu le aofa’i o le ’Au Talavou o le a malaga mai. O tulaga masani lava i mea nei o malaga, e tali api lava i le ’Au Lotu i Otara. Ua iai le fa’amoemoe o le a faia se fa’atasiga tu’u fa’atasi ’a ’Au Talavou i le po o le Aso Sa, aso 8 o lanuali, ma o a vala’aulia ai le tele o ’Au Talavou i Aukilani. Fai mai o lo’o matu sauni mai le ’Au Talavou a Leone i a latou fa’afiafiaga mo la latou feiloa’iga ma Otara. E na o le lua ni a latou fa’aaliga o le a faia, o le po muamua i Otara, ia ma Aukilani. E le’i iloa tonu ia aso mo ia fa’amoemoe, ’ae o le a toe maua atu i le Mana i le isi lomiga aso tonu o le a fai ai ia fa’aaliga. Ua fa’amoemoe o le Aso Gafua, 9 o lanuari, e toe taliu ai le faigamalaga no Tutila.