E Taua le Gagana Samoa

Mana (Auckland), Volume 1, Issue 11, 24 November 1977, Page 6

E Taua le Gagana Samoa

Atonu ua toatele nisi o i tatou i lenei atunuu ua faapea ane; “Taatia le gagana Samoa e aua le aoaoina i aoga. Aoao pea na o le gagana Peretania. Tatou te le’i o mai i lenei atunuu e aoao le faa Samoa.’ ’ E leai seisi e faitio i nei manatu aua e foliga mai e moni.

Ae silasila foi le mamalu o le au faitau, ua iai ni suesuega taua ua mae'a ona faia e lunivesite i isi atunuu ma Niu Sila nei foi. Ua foliga mai i nei suesuega. ua toatele nisi o le fanau ua latou le ma iloa po'o fea e tutu ai. Ua latou le iloa po'o i latou o ni papalagi po'o i latou 0 ni Samoa. E le gata i le le iloa tautala faa-Samoa.

ae ua faaletonu foi la latou faa Peretania. O le mea ua tupu mai ua mumusu le toatele o nisi matua e faaSamoa i tamaiti i o latou aiga. Ua toatele foi i latou ua faale tonu a latou nanu ma ua atili ai le le lelei o gagana a nei fanau.

O le taualumaga o suesuega sa faia. e pei ona ta'ua muamua. ua maua ai ni manatu e faapea: O le tele o tamaiti ua i'u manuia a latou a'oga, o tamaiti ua latou iloa ona tautala ia latou lava gagana. E o atu i le aoga, ua latou iloa le gagana a o latou matua ma ua mafai ona talanoa ai ma i latou. Ae o

tamaiti ua maua i le faaletonu, o tamaiti ia ua le iloa a latou lava gagana, ona tupu ai lea o fesetaiga.

Toe mafaufau ane la i nei suesuega pe moni.