’A’ahi mai ’ae ’Eiki Ha’ele ki Nu’u Sila

Mana (Auckland), Volume 1, Issue 10, 10 November 1977, Page 4

’A’ahi mai ’ae ’Eiki Ha’ele ki Nu’u Sila

Na’e tau mai ’ae ha’ele ’a ’ene ’afio, Taufa’ahau Tupou IV, MO Kuini Mata’aho,, kae’uma’a foko ’ae kau Fakafe’ao ki he folau, ki ’Okalani ’i he ’aho Falaite, koe ’aho 28 ia ’o ’Okatopa. Na’a na ’afifio pe *i ’Atalanga ’i he ngaahi aho lahi ko ia lolotonga ’ae fai mai ’ae ’a’ahi ni ki Nu’u Sila.

Na’e ma’u faingamalie foki ’a ’ene ’Afio' ke ne ’a’ahi ki Christchurch kae ’uma’a foki ’ae lava ’o fai ’ae sivi ’e he kau Toketa ki he Ngaue-Fakafaito’o ’oe sino ’a ia ’oku mahino mai koe taha ’oe me’a ma’uhinga ’oe taumu’a ’oe ’a’ahi ni koe fai hano sivi faka’auliliki ’e he kau mataotao ki he mafu ’o ’ene ’Afio. Ko Toketa Tili Puloka foki ’ae toketa ’ae ’e ne ’afio pea na’e kau foki ’i he folau mai ko eni. Pea fai foki ’e he kakai Tonga ’i ’Okalani ha ngaahi talitali

fakafonua ’o hange koe ngaahi fakatu’uta ’oe ngaahi ngaue fakapangai ’e he kainga Tonga mei he Siasi Metotisi ’o ’Okalani. ’A ia foki na’e fai pe foki ’eni ’i ’Atalanga ’o talitali ia ’e he kau matapule pe ’a ’ene ’afio, ’o nau fai foki ’ae to’onga fakapangai kotoa pe.

’I he taimi ko ia na’e ’ave ai fakamatala ko ’eni ke he fai pulusi na’e kei mahino mai ai pe ’e fai ’ae Ha’ele atu ki Tonga ’i he ’aho Falaite, ’a ia koe ’aho 4 'o Novema pekoe ’aho 7, ’a

ia koe ’aho Monite. Ka neongo ia na’e ke mahino mai ’i he ngaahi ouau fakafonua kotoa pe na’e fai ’i Atalanga ’i he lolotonga ’ae taimi ko ia na’e ’afifio ai ’ae ’Eiki Ha’ele ’i ’Okalani ’ae kei ma’uma’uluta ai pe ’ae ngaahi ’ulungaanga faka-Tonga ’o nau kei faka’apa’apa ’e he kakai ’a ho nau Tu’i ko Taufa’ahau Tupou IV.