Monty Beetham

Mana (Auckland), Volume 1, Issue 9, 27 October 1977, Page 4

Monty Beetham

Ole ali’i o Monty Beetham

le siamupini i le paga tu totonu po’o le middleweight, i le fusi a malo o le taupulega a Peletania, ua taliu mai nei mai i Amerika i le mea sa fa’atonutonu ai e le ali’i lauiloa o Angelo Dundee, ma o le a nofo mau nei i Aukilani. E tusa ai ma le polokalame o fusu’aga o lenei lava fusi, ua iai le fa’amoemoe o se taimi o le masina a sau nei, o le a fetaui ai Monty ma le siamupini mai Kanata i le paga lava lea o le middleweight, o le ali’i o Jeanne-Claude Leciar. Fai mai le tala a Monty, o le fusu’aga talu ai a Leicer, na matapogia ai i le ta’amilosaga muamua, ’ae na o se fusu’aga e sauniuni mai ai i la ma fetauiga. Fai mai fo’i a le ali’i o Monty, “O lo’u iloa, e leai se aoga ma te toe fetaui ai a’o lea ua faia’ina, e leai fo’i se mea aoga e maumau ai fua tupe a tagata e o mai e fia va’ai i sa ma fetauiga a’o lea na faia’ina mataga ia Leicer i lana fusu’aga talu ai. E maualuga vi’iga o le fa’atonu lauiloa o Angelo Dundee na sua ma Monty, o ia lea o lo’o fa’atonutonuina le siamupini o le lalolagi i le

paga mamafa, le ali’i o Muhammad Ali. “Ou te talitonu, o le ali’i lea o Dundee, o le numela tasi lava lea i le lalolagi”. O le tala lea a Monty. E uiga ’ese le lelei o lea ali’i, sa galue lava le ali’i e tau_ fa’atonutonu le fa’a aogaina o lo’u taumatau. Fai mai le ali’i, e lelei ma malosi lo’u lima taumatau, ’ae le o

sa’o na fa’a aoga. O lea la ua ’uma nei ona fa’a sa’osa’o mea sa fa’aletonu.

E tolu ni fusu’aga a Monty sa faia i le vaitaimi a’o iai i Amerika, ma e fa’a* tasi na manumalo, ’ae fa’alua na faia’ina i ’ai. Fai mai a Monty, o ia faia’ina e lua, o fa’ai’uga masani lava e fa’amalo lava le moa fanua.

Fai a Monty, i le taimi a’o o’u iai i Amerika, sa ’ou manatu, na ona ’ou sau’oute tafao ma asiasi mai i Niu Sila pe afai o le a iai se lu’i mo le siamupini, a ua toe sui lo’u manatu, o, lea ua ’ou sau

’oute nofo. “E lelei tele ma manaia le Unatesetete, ’ae pau lava lona pona, o le leai o so’u fiafia ona o le leai o se isi ’oute masani ai i lea atunu’u” o lana tala lea. “E fa’amoemoe i se isi taimi o

lumana’i, pe naoni nai vaiaso ’ou te alu atu ai i se isi atunu’u mo sa’u fusu’aga, ona ’ou toe fo’i mai fo’i lea i Niu Sila.”

O le ali’i pule a Monty (manager) o le ali’i milionea mai Christchurch o Bob Jones, fai a Monty, o lo’o galue nei mo se isi fesoasoani mo ia.

Ua amata nei ona Koleni ia Monty i le fale koleni o George Cammick i Otahuhu. Na o le tolu aso o le vaiaso o lo’o amata ai nei ona koleni ia Monty, ma ua iai le fa’amoemoe. e maua mai loa le tonu sa’o i se aso o le la fusu’aga ma Leciar, ona amata loa lea ona fa’asoso’o i aso ’uma, ma sauniuni atu ai mo le fusu’aga.