Fakataha Fakavaha’a -Pule’anga ’oe Faiva ’o ’Oseni na

Mana (Auckland), Volume 1, Issue 8, 13 October 1977, Page 5

Fakataha Fakavaha’a -Pule’anga ’oe Faiva ’o ’Oseni na

Koe fakataha ko ia ’ae ngaahi Pule’anga ’o ’Osenia, ’a ia ’oku fai ’i he ta’u ’e 4 kotoa pe, ’e fai ia ’i Wellington ’i he ’aho I ki he 8 ’o Fepueli ’oe 1978 he ’Univesiti ko Vikatolia. ’Oku kau foki ’i he ngaahi alea ’oe fakataha ni ’ae ngaahi faiva moe ’ulungaanga fakafonua ’a ’Aositelelia, Polinisia, Melanesia, Maikolonisia. Na’e fai foki ’ae ’uluaki fakataha ki he fa’ahinga me’a ko ’eni ’i he ta’u 1974 ’i Onetalio ’i Kanata.

Koe kau fakafofonga ki he fakataha ni ’e kau ai ’ae ngaahi fonua ko ’eni: Falanise, Pilitania, Siamane, Holani, Hungali, ’Amelika, Kanata mo ’Aositelelia kae ’uma’a foki ’ae ngaahi fonua ko ia ’oe Pasifiki ’o hange ko Solomone, Tonga, Ha’amoa, Fisi, Papua Niu Kini. Ka ’oku ’i ai ’ae faka’amu 'e kau ki ai ’a Niu Hepeliti, ’Otu Motu Kuki, Niu Kaletonia. moe ngaahi ki’i motu iiki ’oe Pasifiki. ’E fakafofonga’i

foki mo Nu'u Sila ia ’e he kau mataotao mei he faiva ’iloa ’oe kau Mauli kae ’uma’a ’ae kau papalangi.

Koe kau fa’ufa’u ko ia ’oe fakataha ni ’oku nau fiema’u ke nau fe’iloaki moe kakai Polinisia kotoa pe ’oku nau fie kau pe fie’ilo ki he fakataha ni ke nau feiiloaki mo kinautolu. Ko iakapau ’oku ’i ai ha taha ’oku fie’ilo ki he fakataha pea ke fakafe’iloaki kia Dr Roger Green he 'Univesiti ’o ’Okalani pe ko Dr S. Mead ’i he ’Univesiti ko ia ko Vikatolia ’i Wellington.

'E fai ’i he fakataha ni ’ae ngaahi alea kehekehe ’o hange koe fel ve’i ’oe ngaahi faiva moe ’ulungaanga ’oe kuo hili moe lolotonga ni, founga 'e lava ai ke fakatolonga ai ’ae ngaahi ’ulungaanga fakafonua ’oe fonua takitaha. Koe kakai ko ia te nau ’a’ahi mai mei muli ki he feohi ni koe kau tu’u kimu’a kinautolu ’i he ngaahi feitu’u kehekehe ’o mamani.