’A’ahi mai Minisita Polisi ’a Tonga

Mana (Auckland), Volume 1, Issue 8, 13 October 1977, Page 5

’A’ahi mai Minisita Polisi ’a Tonga

’E tau mai ’a pongipongi a ia koe ’aho 14 ’o ’Okatopa ki Nu’u Sila ni ’ae Minisita Polisi ko ia ’a Tonga, Hon. ’Akau’ola, mo ’lnisipekita Taniela Moa mo e ’Ofisa Faiako ko ia ko ’Eleni Mona ’oe Potungaue Polisi ’a Tonga. Koe folau mai ko 'eni ’ae ’Eiki Minisita ’Akau’ola mo ’Eleni Mone ke na kau ki he fakataha ’ae ngaahi Potungaue Faka-Polisi ,’a ia ’e fai ia ’i Wellington. Ka ’e lolotonga ia ’e nofo atu leva ’a ’lnisipekita T. Moa ia ’i ’Okalani ke fai ’ae ngaue koe fakalelei’i ’ae ngaahi paasipooti ko ia ’ae kakai Tonga ’i ’Okalani ’o hange koe kakai kuo mole ’a ’enau paasipooti, ngaahi paasipooti kuo ’osi ’a hono taimi, pea moe ha pe ha fa’ahinga me’a ’oku felave’i moe paasipooti ’e lava ke tokoni’i koe ’i he ’i heni ’ae tokotaha ko ia ’oku taki ’i he Potungaue Polisi.

Manatu foki ko kinautolu ’i Tonga ’oku nau f i ’ae ngaue ko ’eni koe fa’u ’oe ngaahi paasipooti ki he kakai Tonga ko ia ’oku nau fie folau mei

Tonga ki muli. ’A ia’oku ’amanaki ko’eni ke ngaue ’a ’lnisipekita Moa mo Liufau Saulala mei he ’aho 17 ’o ’Okatopa ’o makatu’unga ’a hono fuoloa ’i he fiema’u ’ae kakai ke fai ’ae ngaue ko ’eni koe fakalelei’i ’ae ngaahi paasipooti. Ko ia ’a komoutolu kuo mole ’a ho’omou paasipooti pe kai ha’asi, pea mo kimoutolu kuo ’osi liliu ’a ho’omou hingoa mei he hingoa ko ia na’e tu’u ’i he paasipooti, moe ngaahi paasipooti ko ia kuo ’osi ’a hono taimi ngaue’aki ke mou fetu’utaki mai leva ki he ’Ofisi ko ia ’oku ngaue ai ’a Liufau Saulala ’i he hala Queen Street ’i he fika 157 Queen Street he funga vaka hono 7. ’A ia tena tali fiefia kimoutolu kotopa pe ’oku nau fiema’u ha fa’ahinga me’a ’oku felave’i moe paasipooti. Manatu ke mou fakafe'ikoaki ki he kau ngaue ko ia kapau ’oku ’i ai ha’o palopalema ki ho’o paasipooti.