Tala Pikopiko
Ko e aho 14 he mahina Aokuso ne tohi ai he taha nusipepa Fisi ko e “SUNDAY SUN” e taha tala pehe, “Tau Tagata Tonga ma Niue”. Ne talahau e tala ia pehe, “Ko e Palemia Niue ha ne fa e lali a ia ke fakatutala mo e Fakatufono Tonga ke moua mai toko 900 e tagata Toga ke gahua e tau luo maka-uho (uranium) i Niue. Ne pehe foki e vala tala ia, kua fehagai e Fakatufono Niue mo e taha mena vihi ha kua nakai tokologa e tagata kua ha ha i ai he motu ke gahua keli e maka-uho, mo e ha kua tokologa a lautolu kua o atu ki
Niu Silani ti kua ku hifo e puke tagata gahua he tau tau gahoa kua mole”. Ne kumikumi e TOHI TALA NIUE ke he tala nei poke mooli nakai, ti fakatutala ai mo e Tohi Kupu he Fakatufono Niue ko Mr Chapman, ti pehe a ia, “Kua ofo lahi a ia he tala ia he nakai ni ko e ai mooli, ka kua nakai iloa e ia ko e hau i fe e tala pikopiko ia. Nakai ni oti he mena ia ka kua tohi hifo a ia ke he Etitoa he nusipepa ne tohi e tala na ke kumikumi ko e moua mai e lautolu if fe e tala ia. Ne pehe foki a ia,
“kua tupetupe lahi e Palemia ko e lilifu ko Misileki mo e Fakatufono Niue ha ko e tala ia kua nakai mooli. Kaeke ni ka ha ke iloa he nusipepa ia kua fai koloa uho pihia a Niue to fiafia lahi ni ke iloa mai ia lautolu ko e toka he mena fe e koloa ia mo e ko e lahi fefe foki.” Ke fakahako e vala tala ia, ne pehe a Mr Chapman, “Ne nakai la iloa tonuhia ia ko e fai maka-uho mooli nakai a Niue. Ko e tala mooli, ko e Fakatufono Niue ha ne fa e fakaohooho e taha kamupani mai Ausetalia ke Kumikumi poke mena fai maka-uho mooli nakai a Niue poke nakai. Ko e kamupani ia ha ne fa e taute ai e tau kumikumiaga ha lautolu tali mai he tau 1967. “K<q e Fakatufono Niue kua fita he talia ke vilo ai 16 e pu kumikumi he taha magaaho he tau nei ke kitia poke kua fai koloa pihia nakai e motu nei”, he talahau e Mr Chapman. Ai iloa ka ha he talahau e ia poke hau he mena fe e tala ia ha kua nakai fai fakaveaga tonu mo e kua eke ai _foki mo mena ke fakahehe aki/ni e tau tagata Niue ka e pihia foki e tau tagata Tonga. (Tala lagaki mai he TOHI TALA NIUE)
Permanent link to this item
https://paperspast.natlib.govt.nz/newspapers/MANAK19770929.2.4
Bibliographic details
Mana (Auckland), Volume 1, Issue 7, 29 September 1977, Page 1
Word Count
458Tala Pikopiko Mana (Auckland), Volume 1, Issue 7, 29 September 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in