Te au Atu are
Kia mata kite i toou atu are, me kore atu enua. I tetai au tuatau te sakai nei ratou ia tatou, te au tangata e noo nei ki roto i taua au are nei, e te tutaki nei tatou i tei reira. Te ia tetai a ratou au peu: 1. Ka manono mai ratou kia na mua atu tatou i te tutaki i tetai tuaanga moni, ei paruru ia ratou (i to ratou manako) me kino ake tetai au ngai o te are i te tuatau tei roto tatou i to ratou au are. Ka manono katoa mai ratou kia na mua atu tatou i te tutaki i te moni tutaki no tetai nga epetoma e rua i mua ake ka akatika mai ei ratou ia tatou kia tomo ki roto i tei reira au are. Ko te ia nga moni e BOND te mea mua, e ADVANCED PAYMENT te rua. Te ia taau e rave. E ringi atu i te numero 73313 me kore 73314 ma te akakite atu ki reira i toou manamanata, me roko ia ake koe. Ko te opati oki tei reira no te Tenants Protection Association. 2. Me akaruke koe i te are taau i noo ana ki roto, e pati atu i te moni taau i tutaki atu ana kite atu are, me kore atu enua, ta ratou i manono mai ei paruru ia ratou e to ratou au are. E pati i taua nga moni nei e rua taau i tutaki atu, ko ia oki, ko te moni BOND e te moni ADVANCED PAYMENT. E tikaanga to ratou kia tapu atu i tetai pae o te moni, mei te mea oki e, e ngai tetai o te are i kino ia koe. Me kare ra oki, e pati koe i tei reira katoatoa kia akaoki ia mai. E na mua i te pati i tei reira i mua
ake ka akaruke atu ei koe i taua are ra. 3. Mei te mea e kua manako koe te maata ra taau tutakianga i toou are, e ringi atu i te Rent Appeal Board, me kore e ringi mai i te Tenants Protection Association, no tetai tauturu ia koe. Te vai nei tetai au pepa akamaramaanga ia tatou te iti tangata no runga i to tatou au tikaanga no te au mea e tau ia tatou kia rave me tamanamanata ia ake tatou e to tatou au atu enua, me kore atu are. E aere atu ki ko i te Tenants Protection Association i ko i te ia ngai i raro nei: 395 Queen Street, Auckland 1, Ph: 73313; 73314. Auraka e mataku i te pati mai i te tauturu. Kia mata kite, auraka koe kia rave kino ia e toou atu are, me kore atu enua. Te vai nei tetai au ture ei tauturu ia koe. Te ia te opati o te Tenants Protection Association ei tauturu ia koe.
Permanent link to this item
https://paperspast.natlib.govt.nz/newspapers/MANAK19770915.2.29.2
Bibliographic details
Mana (Auckland), Volume 1, Issue 6, 15 September 1977, Page 9
Word Count
489Te au Atu are Mana (Auckland), Volume 1, Issue 6, 15 September 1977, Page 9
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in