Tikaanga vouti
Mei tei Nu Tireni nei koe, e te inangaro nei koe i te taangaanga i toou tikaanga vouti no te ikianga mema paramani i te Kuki Airani, e mea papu tikai e kare koe e akatika ia kia rave i tei reira, ia koe e noo nei ki ko nei i te tuatau voutianga. E aa i reira taau e tau kia rave? Te mea mua e pati atu tatou kite Kavamani Kuki Airani kiaoake mai i tetai tikaanga vouti no tatou i ko nei. Kua rave ia ana te ia kare ra i akatika ia mai. Te rua e oki atu tatou kite Kuki Airani i mua ake ka rave ia ei te voutianga. Naau rai e tutaki i toou patete. E aka apaianga te ia. Kare ra koe e arai ia me kare koe e oki kite Kuki Airani. Tei ia koe rai oki te tika ia koe. Te ia ua me kua anoano koe i tetai au tikaanga tangata kia kore e tipupu ia e ta tatou kavamani e akamanako pakari tikai koe.
No te mea me kare, kua papu tikai e ka aue koe, me kare ka tataraara koe a tetai tuatau. Ko te mate ua nei, kare oou show me ka tamanamanata koe. Kua akarongorongo te Mana e e ture akatuke tetai tei rave ia no te ture vouti. Te ia tei tamanako ia, kia oronga ia tetai toru marama nooanga i te Kuki Airani no tetai ua atu tangata Kuki Airani tei takake ana ki vao ake i te Kuki Airani, i mua ake ka akatika ia iei a ia kia vouti. Te ia tona aiteanga kia noo rava koe ki roto i te Kuki Airani no tetai au marama e toru i mua ake ka vouti ei koe. Me kare, noa atu i reira e ka oki atu koe kite ipukarea e tai me kore e rua marama me kore epetoma i i mua ake i te voutianga kare rai koe e tika ia kia vouti. Me e tika ake te ia tuatua jakarongorongo te akapapu [nei te Mana e e mea akaaroa jtikai ia tatou.
E akamanako i te turanga o toou iti tangata, toou kopu tangata, toou ngutuare tangata e taau au tamariki no te au tuatau ki mua. Me ka inangaro koe kia manu rere ratou, noou ia manamanata, me kore noou ia meitaki. Me ka inangaro ra koe kia tangata ia ratou tei to rima to ratou oraanga. Kimikimi meitaki te manako. Te karanga nei te tuatua tapu na te Atua, “ei te ora manako kore ia e tae mai ei te tamaiti a te tangata’’. “Ka ara,” i na lesu ei ki Tana au pipi, “auraka e moe ua, te vaitata mai nei oki te ora ...”
Permanent link to this item
https://paperspast.natlib.govt.nz/newspapers/MANAK19770915.2.29.1
Bibliographic details
Mana (Auckland), Volume 1, Issue 6, 15 September 1977, Page 9
Word Count
460Tikaanga vouti Mana (Auckland), Volume 1, Issue 6, 15 September 1977, Page 9
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in