Malolo Tino He Tau Fanau
Tutaki mai he lau 1 maaga ko Remuera”, he talahau e ia. Ne talahau a ia pehe, kua maeke he tama ke moua mai e gagao he aoga ti ta atu e ia ki kaina ti pikitia ai e lafu tugaane poke lafu mahakitaga ikiiki haana. Ne fakamaama mai a ia pehe, nakai ko e hepe he tau matua e mena nei ka ko e fakateaga he tau faahi gahua ne fakatu ke leveki atu ke he faahi malolo tino he tau fanau. “Ko e tau maaga tuga a Ponosonopi, kua uka lahi he tau tagata Polenisia ke moua e toketa, ti kaeke foki ni ke moua kua huhu e fifine gahua he ofisa he toketa ko e fekau vave nakai. Kua fakatai he matua e huhu nei tuga kua pehe ko e mena nakai gagao lahi e tama haana ati fakaholo atu e ia mogoia ke he aho hake ke o atu ke he toketa, ti ka hoko atu ke he ogoia kua to lahi tuai e gagao he tama”, he
talahau e Dr Scott. Ne talahau foki a ia pehe,
ko e mena nei kua maeke foki ni ke fai lagomatai atu ki ai a lautolu e tau tagata Aelani mai he Pasifika ne kua fita e fai fakaakoaga ke he faahi malolo tino, ka e taha e mena kua nakai mamafa e fifiliaga he Fakatufono ke talia a lautolu ke gahua he motu nei ko Niu Silani ke tuga ne gahua ai he tau motu ne o mai ai, ko e lahi ni ke talia a lautolu ke gahua tuga e tau tama nosi lagomatai fekafekau i lalo. Kua manako e tohi talahau ko e MANA ke iloa mai ha mutolu a tau manatu ke he talahauaga nei he toketa ko Dr Scott. .Ko e tatai poke nakai tatai ha mutolu a talahauaga ke he mena nei mo ia. Fakamolemole ti tohi mai ke he MANA PO Box 704, Auckland, mo e fakakite mai ha mutolu a tau manatu ke he kupu aoga lahi nei.
Permanent link to this item
https://paperspast.natlib.govt.nz/newspapers/MANAK19770901.2.46
Bibliographic details
Mana (Auckland), Volume 1, Issue 5, 1 September 1977, Page 6
Word Count
343Malolo Tino He Tau Fanau Mana (Auckland), Volume 1, Issue 5, 1 September 1977, Page 6
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in