Rarotonga Umukai maata

Mana (Auckland), Volume 1, Issue 4, 18 August 1977, Page 1

Rarotonga Umukai maata

Kua rave ia tetai umukai maata kite kainga o Papa Vavaura Aukino i Grey Lynn. Ko te akakoroanga o te ia akonoanga ei akari atu i te manako arikianga o te iti tangata Atiu i to ratou mema ngateitei pera katoa oki ta ratou tama ko ia a Pomani Tangata. Kua riro te ia atianga ei pumaana kite iti tangata Atiu no runga i te au mea ta Pomani Tangata i vaa araara atu kite katoatoa. Ko te oonuanga i te manako o

Pomani Tangata no runga te reira i te manako taokotaianga i rotopu i te iti tangata Atiu, e pera katoa ki tetai atu enua i roto i te pa enua Kuki Airani. “Te kite nei au i Nu Tireni nei e pera katoa i te Kuki Airani, e, te riro nei te angaanga poritiki ei akavaanga i te ngutuare tangata, te kopu tangata, te oa, te metua e te tamariki, te taeake e te taeake. Kare rava au e inangaro i te kite i te ia tu”. Te maataanga o tana akakiteanga no runga i tetai au taeake e inangaro nei i te vavai ke ke ia ratou. I na ra kua ariki te katoatoa i te ia manako manea. Kua tauturu katoa oki te Chairman o te Enuamanu Society i te ia manako manea, e pera katoa

te katoatoa tei tae ki taua akakoroanga manea tikai ra.. Kua akamarama katoa oki a Pomani Tangata i te tumu i tae mai ei a ia ki Nu Tireni nei. “Kua kite tatou e, e angaanga poritiki te ia” i na Pomani ei. Kua kite te Kavamani o te Kuki Airani i te tu maroiroi ia Pomani Tangata i roto i te uipaanga maanianga ture i Rarotonga, kua kimi i reira ratou i tetai au ravenga tiaporo ei tamate atu i te manako marama o te ia tamaiti nei na tatou. E tamaiti te ia tei apii ia atu kite apii ngateitei ko ia te Auckland University. No te mea, kare te kite marama o te Kavamani i te Kuki Airanii piri vaitata atu ki tona kua tupu mai i reira te kimianga ravenga a te kavamani i te tuku anga atu ia ia ki tetai are

maki i Nu Tireni nei, Kia manako ei tatou e, e maki a ia. Te kite nei tatou i te akonoanga tau kore a to tatou kavamani e rave nei ki to tatou iti tangata. Kare rae, kino kiia kite tatou i te ia tu. 1 te a nei kua rauka mai te akakiteanga a te au taote o Nu Tireni nei,e Kare o Pomani maki. I tukuna taukore ia mai a ia ki konei. Eaa i reira tei tupu? Kua akaoki ia mai a Pomani kite kainga, e kua oki atu a ia kite Kuki Airani.Te oki nei a ia ite akaari i te tarevake o te kavamani ki mua tikai i to ratou mata. Kare ra e kino na te Atua te au ravenga katoatoa, e Nana katoa e kite mai i te au mea tu ke a te au tuatau ki mua.” E tuatau oki to te au mea katoatoa,” i na te Pipiria Tapu mai ei.