Fesiitaiga Faife'au Metotisi

Mana (Auckland), Volume 1, Issue 4, 18 August 1977, Page 3

Fesiitaiga Faife'au Metotisi

E tusa ai ma fa'ai'uga o le Konefaranisi a le Ekalesia Metotisi i le 1977, ua iai nei le ulua'i si'itaga i tofi fa'a faife'au i le matagaluega a Niu Sila taiu mai ona fa'avae. Fai mai le susuga a Apelu, le susuga i le sea o le matagaluega a Niu Sila, o le ulua'i taimi lenei ua fai ai se fesi'ita'iga i totonu o Niu Sila, ma o le susuga a Tulimau Taotua faife'au Christchurch, ua si'itia mai i Otara, a'o le susuga a Pati Toso o lo'o faife'au nei i Otara, o le a si'i atu i Christchurch ina ua mae'a le ta'i 8 tausaga talu ona galulue is faife'au i nu'u o lo'o iai nei. “O lenei fa'amoemoe mo le fesi'ita'iga o o nei faife'au, o le a fa'ataunu'uina lea i lona lua o vaiaso o Tesema, fa'amoemoe ina ia fai Kerisimasi le faife'au i lona nu'uua tofi nei iai.” O le tala lea a le susuga a le sea. O nisi o tofi fou mo galuega a le Ekalesia, o le susuga a Tulimau Taotua, ua avea nei ma pule o 'Au Talavou i Niu Sila. O Sione Tamali'i sa

faia'oga ile Kolisi i Piula, ua avea nei ma Failautusi fa'aagaaga a le Ekalesia. O le susuga a Fa'atauva'a Tapua'i, ua tofia nei ma Peresetene fa'aagaga, ma o le a fa'au'uina ia tofi i le Konefaranisi i le 1978. Na o le to'alua faife'au ua fa'amalolo ina ua atoa le ta'i 70 tausaga o le soifua. O le susuga lea a Fa'asalele Tanuvasa, ma le susuga a 'Ale Palelei.