Te Onepu o Parengarenga.
Ahakoa kua kitea te koura, te hiriwa, te kapa, te rino, te kuikihiriwa, te waro, te kaapia me era atu o nga taonga e kitea ana ki nga tini waahi o Niu Tireni. Otira tenei tetahi. taonga hou kua kitea kei runga i nga whenua o nga Maori i Parengarenga i te Aupouri. Ko taua taonga kei nga onepu o taua takiwa e rite ana kite onepu o Taranaki e makia nei hei rino. Mehemea kite kawea ki nga Pakeha tohunga kite wliakarewa onepu, te putanga ake lie karaihe e makia nei hei winiwhare. I nga ra o Hanuere i mahue ake nei ka mauria mai e te Paramena, kapene o te Hinemoa, e torn tana onepu o te akau i Parengarenga, te taenga mai ki konei, katahi ka kawea kia tirohia e nga Pakeha whakarewa onepu, a kitea paitia te ahua o aua onepu he tino karaihe tonu. Erangi e ai te kii a nga Maori no ratou taua whenua, ka maha noa atu nga tau e kite ana ratou i nga Pakeha o nga tima e mahi ana i nga onepu, erangi kahore ratou e mohio ana he taonga kei roto i aua onepu. Otira no tenei tau i mahue ake nei ka tukua mai ta ratou panui kia taia ki Te Korimako hei whakamahara ki nga Pakeha me mutu te hari pokanoa i nga onepu, notemea kahore ratou e mohio ana hei aha ranei i mauria ai aua onepu, a he mea panui ano hoki e Raureti kiroto i nga nupepa Pakeha kia kite ai nga Pakeha, a inaianei kua mutu rawa te mahi a nga tima e tae atu ana ki reira. No te marama tonu o Pepuere i mahue ake nei ka kitea e Raureti i roto i nga nupepa Pakeha e mea ana ko nga onepu o Parengarenga i mauria mai e Kapene Paramena i kitea paitia te ahua o aua onepu he tino karaihe tonu. A he mea whakaatu e Raureti ki taua iwi katahi ka mohiotia, e, e! Koia ano i tahuri ai nga Pakeha kite mahi pokanoa i nga tau i mahue ake nei, kahore !
he moni kei roto i aua onepu. A kua tae ake te reta a Hemi Kingi Taitimu, a Keepa Horo, a Te "Wild Te Whai, a Hemi Riumakutu, a Eparaima Kapa, me etahi atu ki to ratou hoa-wha-naunga kia Raureti kia panuitia ki roto i nga nupepa Pakeha. Mehemea e hialria ana tetalii Pakeha kite mahi i aua onepu me haere me patai kia ratou ki nga hunga no ratou te whenua, ma ratou te kupu whakaae, kaua e liaere pokanoa irunga i te liuarahi tahae. Tena ra to mahi e kewha ! Ka waiho ano e koe nga hunga no ratou te whenua kia titiro atu ana kia koe, ki o ringa e whakakii ana i nga peeke e whakatotohu ana i to kaipuke ki nga onepu, otira i purua to mangai ki enei kupu "Waiho kia titiro ana mai nohea ratou e mohio ana he moni enei." Otira i kaha ano koe kite puru i to mangai i era wa, a inaianei kua mohiotia to mahi, e kore rawa e tukua kia ki to ringa kotahi. Erangi haere pataia, ka hoatu, patukia ka uakina.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18850515.2.22
Bibliographic details
Ngā taipitopito pukapuka
Korimako, Issue 40, 15 May 1885, Page 9
Word count
Tapeke kupu
543Te Onepu o Parengarenga. Korimako, Issue 40, 15 May 1885, Page 9
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in