Te Whaimana o te Puru Ripine.

Korimako, Issue 40, 15 May 1885, Page 6

Te Whaimana ote Puru Ripine.

Kei te mohio katoa nga tangata Maori ki nga pai o roto i tenei mahi i te Puru Ripine. Heaha ra nga pai? Ko nga pai enei, e kite ano te tangata e noho pai nga moni i roto iana pakete, e whakamutua ano ki tona mangai me tona ngakau tenei kupu me tenei mahara, "aue" mete "ketekete." E tau ano te hari mete koa ki tona whare tae noa ki tona hoa-wakine me ona tamariki me ana taonga katoa i raro i tona mana, e kore ano ia e kite kia pera mete poaka e takaokeoke ana iroto i te paru, te oranga ake, tau ana te aue mete ketekete mete whakama ki a ia. E kite ano ia e kore ia e whai i nga tapuwae o te kunga kua whakaritea e te ture te utu mo o ratou hara i runga i te waipiro, te mekameka o nga ringa mete kuru i nga kohatu me nga roro 0 te hohonutanga o te whenua. Te kaere atu ranei ki nga waahi 1 whakaritea mo nga hunga porangi irunga i nga kino me nga mate o aua wai a Hatana, te wehe atu ranei o tona wairua i tenei ao kite kainga o te pouritanga mete mamaetanga mutukore. E mea ana koe me pehea koe e tae ai ki enei mamaetanga ? Otira kei te marama nga take e tae ai koe ki aua mamaetanga, he tini nga mahi kino a te tangata haurangi, he tahae, he kohuru, puremu, a kua mohio koe i naianei kite utu a te ture mo enei hara k<> nga mamaetanga kua oti ake noi to tuhi e kii nei

koe me pehea koe e tae ai. Tera atu ano etahi painga, ara e kite ano koe i te noho rangatira mete iwi katoa iraro i to mana, te kore rarurarn e puta ake i waenganui i a koutou mo nga hui mo nga wlienua me era atu mahi a koutou. E karangatia ano hoki tenei mahi he whakateina lie whakatuakana i te tangata, kahore te mauahara erangi he tamariki na te Matua Nui o te rangi, he liunga e kukume ana mai i te tangata kei taka kite poka-toorere a Hatana, e pupuri ana i te taane kei wehe atu i tona wahine, i te wahine ki te taane, i nga matua kei noho pani nga tamariki i te ao, i nga taane kei noho pouaru o ratou hoa wahine. Otira kua kitea i naianei ko te nuinga o te iwi Maori kua huri kua liapai i tenei. mahi hei waka mo ratou, a kua waiho ko te Whakapono hei kaihoe mo taua waka hei whakawhiti atu kite ao o te pai mete maramatanga. Inahoki i mua 1 nga tau kua pahure ake nei me titiro e tatou ki enei kainga ki Rotorua, ki Tarawera, i reira te paunga o nga mano pauna o nga whenua a nga iwi o era takiwa mo te waipiro, te taenga atu o Te No (W. P. Snow) ki waenganui i era iwi, kite ana ia i te mate kino e paa ana ki nga tangata irunga i te waipiro, meingatia ana e ia tenei mahi ki era takiwa, a te tukunga iho i naianei he noho pai kua mutu haere te kai-waipiro. Tena titiro atu. ano o tatou kanohi ki tera whenua ki Waikato e neke atu ana pea i te rua miriona eka o taua whenua, i reira ano hoki nga wai a Hatana e whakawai ana i nga rau tangata o tera takiwa, a heaha rate tukunga iho i naianei 1 kaore ranei tatou e hari e whakamiharo atu kua whakakorengia nei te waipiro ki roto i enei rua miriona eka. Na wai ra ? Na te aroha o tenei kaumatua o Hare Reweti me era atu ona hoa kite kawe i te rongo pai o te Puru Ripine ki nga iwi o Waikato, a tae ana te ora mete maramatanga kite

ngakau o Tawhiao, o Wahanui, o Rewi, me era atu rangatira-nui, heoi kaore ratou i pana i tana hunga, haere atu koutou me ta koutou Puru Ripine, erangi i koa ratou i mea kawea mai te ora me te pai, ko nga wai a Hatana me tino welie atu i mua i o matou kanohi irunga hoki i to matou whenua. Heaha rate take i kino ai ratou kite waipiro i pai ai kite Puru Ripine % notemea kua mohio ratou he mate, he pouri, he mamae, he aue te kinaki o aua wai, otira he ora, he pai, he maramatanga mo te iwi tae noa kite whenua kei tenei malii. Tena titiro atu o tatou kanohi kite taha whakararo ki Kaipara tae atu kite Aupouri, i reira ano hoki aua wai e kukume ana i nga rau. tangata kite rua o te pouritanga, tikina atu ana e Kereama Tawhai, e Pihopa, o Mangonui, e Te Kitohi, minita, me nga minita Maori me etahi o nga rangatira Maori, me nga taitama o te Puru Ripine ka whakahokia mai iroto i nga whakawai a Hatana. Tena huri atu ano o tatou kanohi kite tonga ki Nepia tae atu ki Whanganui he rite katoa he auetanga no nga mano tangata, a irunga i te aroha o tera rangatira, o Hori Ropiha, me Te Kerehi, minita o Whanganui, me era atu o nga tangata mahi i tenei mahi, ka mutu haere te auetanga ki era takiwa. Ka huri ta tatou titiro kite Tai Rawhiti, i reira ano hoki nga takaokeokenga o nga mano tangata i roto i te paru, tikina atu e Raureti Mokonuiarangi tona iwi ka kumea mai iroto i te pouritanga, a e kitea ana ko tenei tetahi o nga iwi kua tino motuhake mo te Puru Ripine, | no Akarana mai tae atuki Poneke. Heoi e te hunga kaore ano kia I eke mai ki runga i te waka. Haere mai, haere mai ki runga i te waka o te Whakapono i a te Puru Ripine.