A Waho kihai i rite ki to Roto.
I tera whenua nui whakaharahara e karangatia ana ko Amerika, te kainga i whanau mai ai a Te No. I noho tetahi pu-whakaaro-nui he kaituhi, he kaimahi, he kaiwhakaaro i nga rerenga reka o nga rangi mo nga waiata, a ko nga waiata i tuhia ai e taua tangata kei nga wahi katoa o te ao e korerotia ana i te reo Ingirihi. I roto i tetahi o nga waiata a taua tangata e kitea ana enei kupu, " Ko nga mea e kitea ana kihai i rite kite ahua i whakaarohia ai e te tangata/' ara " ko te ahua o waho kihai i pera mete ahua o roto." Ko te pono o aua kupu e kitea ana i nga mano huarahi e atea ana ki te kanohi e marama ana ina ka titiro atu. Tena titiro atu kite rakau na! e ahua kaha ana e .ataahua ana te tupu, tena koe ka mea ki taua rakau e kore e hinga i nga hau-marangai o te hotoke, otira ko te uho kua kore, kua pirau a roto, a e kore e roa ka hinga i tetahi o nga awha e haere ake nei:—Titiro atu kite whare raka! Ko tona ahua i kaha rawa ki to titiro atu, otira kua tapoko nga popokorua ki roto i nga kaho, i nga kurupae me nga poupou a e kore e roa ka hinga kite whenua.—Nana ! he aporo tenei koia ano te pai te ataahua mete ahua maoa, motu ana te korokoro i te reka, otira fikara i te hanga te pakeke me te kawa ina motu te hiako ataahua i nga niho, tena ko roto he pirau kau ano. Titiro atu ki waho i te moana ! e rere ana he mea whakahirahira ano te pai mete nui o taua kaipuke kite titiro atu, he pono ano, otira e kore taua kaipuke e tae ki tona waapu ake, notemea ko tona takere kua werohia e nga toke o te moana, pirau ana nga papa ka totohu taua kaipuke i waho noa atu o te moana, a he tokomaha pea nga tangata ka paremo ka nehua atu kite rire o te moana.—Titiro atu kite kanohi na! ma te titiro atu ka ki ano koe kanui te ahua ora, otira tena
te mate kei roto lie turoro e kore e roa ka mate ngaro atu ana meake ka whiti atu ki tera taha ote awa-pouri. Koia i tika ai i pono ai enei kupu, "Ko nga mea e kitea ana kihai i rite ki te alma i whakaarohia ai e te tangata," ara "ko te ahua o waho kihai i pera mete ahua o roto." E kite ana tatou iia wa, i ia wa, i nga puna e rere mai ana i te ngakau o te tangata, i rere ke, i rere ke i te tika, ahu ana aua puna kite he, a mamae ana te ngakau _ i te rereketanga o aua tangata i kitea ra e tatou he tangata tika, he tangata pono, otira kite paunatia aua tangata e kitea ana to ratou koha. I mua ko enei tangata i whakanuia i whakamoemititia e tatou, ko to waho anake i kite ai tatou o aua tangata ano te pai mete ataahua, otira inaianei kua huri o tatou kanohi ki roto, kite ana tatou i te puna o ratou ngakau, e rere mai ana nga wai-puwha o te he me nga pirau o te kino, weetiria ana ratou kite pauna o nga tangata e titiro atu ana, a kitea ana to ratou koha. Kia mahara tatou ki nga kupu a Ihu. " Aue te mate mo koutou e nga Karaipi e nga Parihi e te hunga tinihanga, e rite ana hold koutou ki nga urupa kua oti te pani ki te paru-ma he mea ataahua nei a waho kite titiro atu, ko roto ia ki tonu i nga iwi tupapaku me nga mea poke katoa." Me aha e tu tika ai o tatou whare ara o tatou wairua. Kia mohio tatou e mahi tonu ana tatou ki te whakapapa i nga kowhatu o te matauranga i ia ra, i ia ra, me titiro tatou i te turanga mehemea kei runga i te kamaka a te Karaiti e kore e horo, mehemea kei runga i te onepu, ano ka tae mai nga waipuke e hinga, notemea kahore he turanga, horo ana te mea ataahua, notemea kihai i whakaarohia kite turanga e tika ai heaha rate tukunga iho. E koroki ana te manu iti nei i nga whakaaro a Te No (W. P. Snow) ahakoa kua mate ia tenei tana Korimako te whakamahara nei ia tatou ki nga mea
e tau ana ki to tat< tenei ao me tera ao. te wairua o nga t; haere atu i mua ia 1 mahara tatou ki enei nga mea e kitea ana kite ahua i whakaar tangata," ara " ko te i kihai i penei mete a'
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18850415.2.10
Bibliographic details
Ngā taipitopito pukapuka
Korimako, Issue 39, 15 April 1885, Page 7
Word count
Tapeke kupu
822A Waho kihai i rite ki to Roto. Korimako, Issue 39, 15 April 1885, Page 7
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in