Paora Tuhaere.
E hara i te tangata ngaro a Paora Tuhaere, na te Kawana tuatahi i kite, a, na nga Kawana katoa i muri mai. Te take i kitea ai, he uri-tangata, he pumohio hoki. Na Paora i tara te moana ki Kaipara, i te paitiititanga o tenei hanga, o te Pakeha. Na Paora Tuhaere i kukume mai a Tawhiao kite taha Pakeha, i kitekitea ai, ki Akarana, ki hea, ki hea; i mutu ai nga wkakangutungutu, i kai tahi ai nga Kawana, me nga pu-tohunga o te taha Kingi. Mohio katoa nga Pakeha ki a Paora i ana korero, me ana mahi i roto i nga Kaunehera Pakeha, me nga Paramete Pakeha, Maori. Heoi, kotahi tonu te hapu Pakeha kaore i kite i a Paora, i whakapohea nga whatu o te kanohi ki teaha, ki teaha ra nei. Ko taua kapumatapo e meatia ake nei, ko te Kawanatanga o Meiha Atikini kua hinga ake nei; a, kua weto i tana wetotanga nui. Te take, i puta ai enei komeme o tenei manu iti, he rongo-taringa ki a take mai ano, E ! kua haupu ki te aroaro o Meiha Rapata Wahawaha, o Meiha Kepa Tautoko nga kono hua hinau, mete karanga atu, "Kia whakaoho koe i taku moe, ko te whatu turei a Rua." Ka pai te karanga; otiia, kei hea te kono ma Paora Tuhaere % Kimihia mai, kimihia mai, homai tonu kite aroaro o tenei pu-whakaaro, o tenei purangatira, o Paora Tuhaere kahore nei e matapotia, e Aotearoa, e Aropaoa.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18841215.2.8
Bibliographic details
Ngā taipitopito pukapuka
Korimako, Issue 35, 15 December 1884, Page 2
Word count
Tapeke kupu
251Paora Tuhaere. Korimako, Issue 35, 15 December 1884, Page 2
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in