Ki nga Hoa Aroha e Tautoko nei i ta ratou Nupepa Maori i "Te Korimako."

Korimako, Issue 26, 15 April 1884, Page 5

Ki nga Hoa Aroha e Tautoko nei i ta ratou Nupepa Maori i "Te Korimako."

Haere hoki ra i runga i te ko-murimuri-aroha te kupu aumihi ki nga huanga i hea wahi, i hea wahi, o Aotearoa. Tena koutou. Ma te matua i te rangi, tatou e manaaki. Hirahira noa iho nga reta kua tae mai, ki Te Koeimako no Te Moanapounamu, no Whanganui, no Taranaki, no Waikato, no Taupo, no Nepia, no Mohaka, no Te Makia, no Te Wairoa, no Turanga, no Waiapu, no XJawa, no Te Kawakawa, no Te Kaha, no Orete, no Opotiki, no Ohiwa, no Whakatane, no Te Matata, no Maketu, no Te Puke, no Tarawera-moana, no Botorua, no Tauranga, no Waiki, no Tairua, no Whitianga, no

Umangawha, no Waiau, no Hoterene, no Te Kirikiri, no Ohinemuri, no Piako, no Wharekawa, no Waiheke, no Manuka, no Kaipara, no Kaihu, no Mahurangi, no Mangakahia, no Ngunguru, no Whangaruru, no Te Rawhiti, no Te "Waimate, no Kaikohe, no Waima, no Whirinaki, no Mangamuka, no Whangape, no Herekino, no Kaitaia, no Mangonui, no Parengarenga, no Whangaroa, no hea, no hea. Ai ake te kupu i pouri rawa ai toku ngakau, i roto i nga korero katoa o enei tini reta, ko te tini o nga patai kite take i kore ai e tae atu Te Korimako ki nga tangata e tuku tika mai nei i a ratou rua hereni mo te tau. E ki ana te Poutapeta, e hara i a ia tena he-kino; e ki ana nga kai-takai-kopaki, oTe Korimako, e hara iaia te he; a, ruwha noa te whakaaro i te kimihanga i te he-kino nei, kihai rawa i kitea. Kua rite rawa i nga tini hoa tautoko o Te Korimako tera kupu, matua tuku mai i te moni, heoi, ko te utu o taua moni, ara te rua hereni mo te tau, kaore e tutuki atu. Epa ma, kia mau mai, me kimi-marire tatou katoa i te take i kore ai e tae tika atu ta koutou nupepa—te nupepa Maori e utua tikatia nei ki a koutou moni. Na Hare Reweti.