Kihipane.
Ki a Te Korimako. Ehoa,-tena ra koe! Te whetu o te ata i mohiotia ai he awatea, kei te haere mai, uta ina atu e koe taku kupu ki runga i ou parirau. Hei titiro, hei whakaaro ma okn hoa Maori, me oku hoa Pakeha. Mo tenei ngarara kino mo te waipiro, kotahi tekau marua aku tau e ngaua ana e taua ngarara horotangata nei, ara te tini noa iho o te tangata, me nga wahine tae ki nga tamariki. No te tau 1883 ka tahuri ahau kite rapu i e tahi tikanga e ora ai ahau me oku iwi katoa 1 te waru o nga ra o Hepetema kua taha ake nei. Ka karangatia e ahau oku iwi kiahuihui mai ki taku aroaro, kia whakarongo ratou ki taku kupu. Te potonga mai o nga tangata, nga wahine nga kau matua, tae iho ki nga tamariki kihai rawa tetahi tangata i noho atu i o ratou kainga. Me nga Pakeha i haere mai ki te whakarongo i te take o te hui, tera pea ka tae kite whitu rau nga tangata Maori, Pakeha hoki, i tae mai ki tenei hui i te whitu o nga haora i te ahiahi. Ka tu ahau i waenganui o te hui ka whakapuakina te take o te hui. Koia tenei. Ko te waipiro. Kia hoa riritia kia tatou, ara kia kaua rawa e hoki atu ki taua taniwha whakakuare, whakarawa kore i te tangata, tenei ake te mahanga o nga kino o taua kai e kore e taea e au te whakaatu. E mohio katoa ana o tatou kainga ki nga mate o taua kai. Kite whakaae tenei hui ki tenei kupu e whakapuakina atu nei e ahau. Katahi ano ahau ka mohio ka ora tatou me a tatou tamariki i muri ia tatou. A ka h°ki ano ahau ki Pcneke, kite korero kite Kawana, mete Minita mo te taha Maori. Kia rawatia atu taua kai i to tatou takiwa. Ka mutu ta ku kupu, me whakatika mai te hui kite whakahoki mai i te kupu ki au, mete take o te hui kua whakapuakina atu nei e <au ki o koutou aroaro. Kei
runga ko Hori Taki. Kapai te take o tenei hui e whakaae katoa ana tenei hui kite kupu i whakapnakinamai nei e koe a ra ko te waipiro kia whakakorea i to tatou takiwa. Kei runga ko Kamariera, ka ki e whakaae ana te hui ki tena kai te waipiro, kia whaka korea. Penei katoa nga kupu ote hui. He nui te pouri o e tahi o aku hoa Pakeha, mo taku whakaoho tanga i nga ika mo a ratou kupenga. Heoi kei te noho pai aku iwi i naianei. Na to koutou hoa, Karaitiana Te Amaru. Uawa, Tihema 28, 1883. [Nui atu te pai o tenei korero; ka ora nga ngakau o nga tangata whai-whakaaro katoa.]
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18840115.2.8
Bibliographic details
Ngā taipitopito pukapuka
Korimako, Issue 23, 15 January 1884, Page 3
Word count
Tapeke kupu
478Kihipane. Korimako, Issue 23, 15 January 1884, Page 3
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in