Te Hokinga mai o Te Ariki.

Korimako, Issue 19, 15 September 1883, Page 7

Te Hokinga mai o Te Ariki.

I taua wa, tokorua kite mara; kotahi e tangohia, kotahi e waiho.— Matiu xxiv. 40. Kaore i tatata tenei kupu kite mate o te tinana, e tangohia atu nei e te Atua i te ara o aitua i nga ra, i nga ra, mete waihotanga o etahi kite ao nei noho ai, tatari ai i te wa e hemo ai; engari, he kupu tuturu tenei mo te haerenga mai o te Kairaiti kite ao nei, kite whakaahua ke i nga tinana o te hunga e noho ana i tenei ao i runga i te nga-kau-whakapono ki a la. Ko te tangata e tangohia ana e te Karaiti, e tangohia oratia ana e la, na te mea, kua nohoia e te Wairua Tapu te ngakau o tera tu tangata, a, kua tino mohio ia, ki tana whakatamarikitanga ki te Atua i roto i a Karaiti Ihu. Tirohia ia nei, e hoa te kupu a *■ aora i te tuatahi o Koriniti, i te xv. o nga upoko, te 51, 52, o ( n ga rarangi. Tenei taua whaka-

aturanga a Paora :—" Na ! he mea ngaro tenei e korerotia atu nei e ahau ki a koutou; ekore tatou katoa e moe; engari, e whakaahuatia ketia tatou katoa: —Ekore e aha, kimo kau te kanohi." Ko tenei kupu a te Apotoro e ungutu ana ki ta te Ariki kupu e mea nei, "Tokorua i te mara, kotahi e tangohia." Ekore e pa te mate kongenge ki nga tinana o enei; ko tenei tangohanga e meatia nei e te Karaiti, he whakaahuatanga ketanga,—rite tonu ki ta Paora e whakaatu nei i te 53 o nga rarangi e ki nei:—" Kua takoto hoki te tikanga kia kakahuria te pirau-kore e tenei pirau; kia kakahuria hoki te mate-kore e tenei hanga matemate nei." Na! i taua ra e tae mai ai a Ihu Karaiti kite tango atu i te hunga whakapono e noho ora ana i te ao, —e noho tinana ana i Akarana, i whea atu i Aotearoa nei, i Oropi, i Amerika, i Awherika, i nga wahi katoa o te ao; —i te ra e tangohia oratia ena e te Karaiti, ka ara katoa nga tangata i piri kite Atua, i a Arama raua ko Iwi tae noa ki taua ra putanga mai o Ihu, —ka ara mai nga tupapaku katoa i piri ra kite Atua, i takoto kite whenua, ki te.moana ki ia wahi, ki ia wahi; a, ka piki tahi ratou ko te hunga ora i whakaahuatia ketia e te Karaiti, ka mahue kite ao nei, nga tupapaku katoa kihai nei i whakapono kite Atua, me nga tangata ora katoa, e noho ana i te ao, kihai ra i whakapono kite Atua, i piri kite Karaiti te Kai-whakaora i te ao. Ko te tikanga tenei o te kupu i Matiu te xxiv. e ki nei, "Kotahi e waiho." He nui noa atu nga Karaipiture e whakamarama ana i enei tu tikanga, ma te tangata e kimi marie kia kitea ai e tona ngakau, e tona ngakau, te tika mete pono o enei poropititanga. E ki ana nga pu-whakaaro o Ingarangi o hea, o hea, kua tata te putanga mai o Ihu; ko te ra, mete /mora ekore rawa e mohiotia e te tangata engari, ma nga tohu e whakaatu mai ki a tatou

te tatanga,—te wa e riro atu ai i a te Karaiti nga tamariki pono i nga Hahi katoa. Kapai ra nei, e hoa ma, kia riro atu tetahi o tatou i a te Karaiti, kia waiho tetahi i te ao nei hei rurerurenga mo te kino, hei konatunatu ma te Anati-Karaiti, hei poke ma Hatana ? Ki a au; me piri tonu tatou kite Karaiti, ite ra, ite ra, i nga takiwa; a, kia mataara tonu, mo te karanga rawa ake, — " E ! ko te Tane marena hou tenei." Kaore he awangawanga mo te ngakau, engari he tomo tonu atu kite ora (Matiu xxv. 6, Whakakitenga xxi. 9, Matiu xxiv. 42, Maka xiii. 37).